दानिएल 9

2 तेऊए राज़ा दी पैहली साला लागअ हुंह दानिएल पबित्र शास्त्र कताबा पहल़दअ। मंऐं पहल़अ तेऊ समादे बारै ज़ुंण बिधाता आपणैं गूर जेरमयाह का दैनअ त। हुंह त तेऊ समादे बारै बच़ार करदअ लागअ द, ज़ुंण बिधाता जेरमयाह का खोज़ी त डाहअ द कि सत्तर साला तैणीं रहणीं एरुशलेम नगरी सिधी पात्थरे डिंगरी।✝9:2 जेर. 25:11; 29:10 3 तेखअ किई मंऐं आपणैं मालक बिधाता सेटा अरज़ कि सह मेरी मज़त करे। हुंह रहअ ब्रतू, घेरी डाहै मंऐं खिंथल़ै बान्हीं, संघा रहअ हुंह छ़ारा जैंदरी बेशी।