13 यहूदी मणछो ऊवार्णैओ थैर थिअ नेल़ अर ईशू डेऊअ एरुशलेम नगरी लै। 14 तेऊ भाल़अ भबनै बल्द, भेडा-बाकरी, पालल़ी बेच़णैं आल़ै ढब्बै-धेल्‍लै बदल़ी लैण-दैण करनै आल़ै बपारी बेठै दै। 15 ईशू राशीओ छिऊंटअ बणाअं अर भेडा-बाकरी, पालल़ी, बल्द दरल़ाऊऐ भबना का बागा लै। तिन्‍नें ढब्बै-धेल्‍लै छिंगै अर तिन्‍नें थल़्ही पाई ढोल़ी। 16 पालल़ी आल़ै लै बोलअ, "इना काढा इधा का पोर्ही, मेरै बाब परमेशरे भबना निं बपारीओ घअर बणाआं।"

17 तेखअ फिरी तेऊए च़ेल्‍लै आद कि पबित्र शास्त्रा दी आसा लिखअ द, "तेरै पबित्र भबना लै झ़ूरा हुंह इहअ कि मेरै दिलै हआ आग लागी दी, हे परमेशर तेरै एऊ भबने तैणीं दैणैं मुंह आपणैं प्राण बी।"✝