João 21

ईशू अर पतरास

15 रोटी खाणैं का बाद ईशू शमौन पतरासा का बोलअ, "शमौन, जोहन्‍ने शोहरूआ, तूह कै मुंह संघै इना होरी का खास्सी झ़ूरी डाहा?"

पतरासै बोलअ, "हाँ प्रभू, ताखा आसा ऐहा गल्‍लो थोघ कि हुंह ताल्है केतरअ झ़ूरी डाहा।"

ईशू बोलअ तेऊ लै, "मेरै मिम्मूं च़राऊ।"

16 ईशू पुछ़अ पतरासा लै दुजी बारी भिई, "शमौन जोहन्‍ने शोहरूआ, तूह मुंह संघै बेघै झ़ूरी डाहा?"

तेऊ दैनअ ज़बाब, "हाँ प्रभू, ताखा, आप्पै आसा थोघ कि हुंह केतरी झ़ूरी करा।"

ईशू बोलअ तेऊ लै, "मेरी भेडे हेर-सभाल़ कर।"

17 चिऊथी बारी तेऊ भिई पतरासा लै बोलअ, "शमौन जोहन्‍ने शोहरूआ, तूह मुंह संघै बेघै झ़ूरी डाहा?"

पतरास हुअ बडअ दुखी कि तेऊ बोलअ चिऊथी बारी, "तूह मुंह संघै झ़ूरी करा?" तेखअ बोलअ तेऊ, "हे प्रभू, तूह ताखा आसा सोभी गल्‍लो थोघ, ताखा आसा थोघ कि हुंह, संघै केतरी झ़ूरी करा।"

तेखअ बोलअ ईशू तेऊ लै, "मेरी भेडा च़राऊ।"