14 ज़ांऊं छ़ानींए थैरे आधी धैल़ी-बिति अर ईशू लागअ भबने खोल़ै पुजी लोगा लै शिक्षा दैंदअ। 15 एता भाल़ी हुऐ यहूदी सैणैं रहैन अर तिंयां लागै बोल्दै, "एऊ बाझ़ी पहल़ै एतरी बिद्या किधा का शिखल़ी?"

16 ईशू दैनअ तिन्‍नां लै ज़बाब, "ज़ुंण समाद हुंह खोज़ा अह निं मेरअ आथी पर अह आसा तेऊओ ज़ुंणी हुंह संसारा लै आसा छ़ाडअ द। 17 ज़ै कुंण परमेशरे मरज़ी दी रहे, तेऊ हेरनी ईंयां गल्‍ला समझ़ी कि ईंयां परमेशरा बाखा आसा कि मंऐं आप्पू बाखा खोज़ी?

18 "ज़ुंण आप्पू बाखा किज़ै बोला, सह च़ाहा आपणीं बड़ैई करनी, पर ज़ुंण आपणैं छ़ाडणैं आल़ेए बड़ैई च़ाहा करनी, सह हआ हर गल्‍ला दी शुचअ अर तेऊ दी निं कोई पाप बूराई हंदी।