Mateus 13

3 ईशू बोली कथ्या खोज़ी खास्सी गल्‍ला,

"शूणां, एकी बारी निखल़अ एकी बारी निखल़अ एक कृषाण बेज़ै बऊंदअ। 4 बेज़ै शोटदी बारी पल़अ धख बेज़अ बाते बाढै अर सह च़ुंघअ च़ेल्‍लू-पखीरू।

5 "धख बेज़अ पल़अ शकरीली ज़िम्मीं दी, तेथ निं तेता खास्सअ माट्टअ भेटअ, सह बेज़अ निं डुघै माट्टै दी पल़अ अर इहअ करै टिप्पअ सह जाऊअ। 6 ज़ांऊं सुरज़ो धुप्पअ टिप्परू दी पल़अ, तिंयां टिप्परू शुक्‍कै किल्हैकि तेते ज़लैल़ै निं डुघै माट्टै दी आथी तै।

7 "इहअ ई धख बेज़अ पल़अ झ़ाकल़ै, ज़ांऊं सह बेज़अ टिप्पअ, सह दाभूअ कांडे झ़ाकल़ा जैंदरी। 8 पर धख बेज़अ पल़अ रज़दी-पज़दी ज़िम्मीं दी, तिन्‍नां दी लागी खास्सी फसल। कोई दी शौ गुणा, कोई दी शाठ गुणा अर कोई तिह गुणा पज़ैआ।"

9 तेखअ बोलअ ईशू तिन्‍नां लै, "ज़ै तम्हैं एता समझ़णअ च़ाहा, तै दैऐ ऐहा गल्‍ला दी धैन कि मंऐं एभै तम्हां का किज़ै बोलअ।"