मोत्ती 18

स्वर्गे राज़ा दी सोभी का बडअ

1 एता बाद डेऊऐ च़ेल्‍लै ईशू सेटा लै पुछ़दै, "स्वर्ग राज़ा दी सोभी का बडअ कुंण आसा?"

2 ऐहा गल्‍ला शूणीं ईशू एक होछ़अ ज़िहअ लान्हअ आप्पू सेटा शादी करै तिन्‍नां मांझ़ै खल़अ किअ संघा बोलअ, 3 "हुंह खोज़ा तम्हां का सत्त कि, ज़ै तम्हैं आपणीं ज़िन्दगी नांईं बदल़े अर लान्हैं ज़िहै भोल़ै नांईं बणें, तै निं तम्हैं स्वर्ग राज़ा दी डेऊई सकदै। 4 ज़ुंण बी आप्पू एऊ लान्हैं ज़िहअ भोल़अ बणें, सह हणअ स्वर्ग राज़ा दी बडअ।