मोत्ती 24

23 ज़ै कुंण तिन्‍नां धैल़ी तम्हां लै इहअ बोले, ‘भाल़ा मसीहा आसा इधी, अर मसीहा आसा तिधी!’ तिन्‍नें गल्‍लो विश्वास निं करी।

24 "किल्हैकि झ़ुठै मसीहा अर झ़ुठै गूर निखल़णैं अर तिन्‍नां पाणै बडै-बडै नछ़ैण अर च़मत्कार रहैऊई कबाता। ज़ै तिन्‍नों बश च़ले, तिन्‍नां तिंयां मणछ बी कबाता ज़ुंण परमेशरै आसा छ़ांटै दै। 25 ऐहा गल्‍लो डाहै तम्हैं धैन, ईंयां गल्‍ला डाही मंऐं तम्हां का पैहलै ई खोज़ी। 26 तैही ज़ै तिंयां तम्हां का बोले कि भाल़ा, मसीहा आसा रेगीस्तानै, तम्हैं निं बागै निखल़ी। ज़ै कुंण इहअ बोले कि मसीहा आसा फलाणीं बाहूल़ी गुप्त रहअ द, तम्हैं निं तिन्‍नें गल्‍लो विश्वास करी।