26 ज़ांऊं तिंयां रोटी खांदै बेठै, ईशू च़की एक रोटी संघा किअ परमेशरो शूकर, तेखअ किऐ तैहा रोटीए म्हार-म्हार। तिंयां रोटीए म्हार दैनै तेऊ आपणैं च़ेल्‍लै लै इहअ बोली, "हुंज़ा, खाआ अह आसा मेरी देही।" 27 तेखअ च़कअ ईशू दाखे रसो प्रिहअ हाथै, सह बी दैनअ परमेशरो शूकर करी च़ेल्‍लै लै, संघा बोलअ इहअ, "एता का झुटा तम्हैं सोभै। 28 किल्हैकि अह आसा मेरअ लोहू, अह आसा मणछा संघै परमेशरे नऊंईं करार। बल़ीदानो अह लोहू बहाऊंणअ खास्सै मणछे पाप माफी लै।