जोहन्ना डुबकी दैणैं आल़अ
1 ज़ेभै तैणीं ईशू नासरत नगरी थिअ, तिन्नां धैल़ै त जोहन्ना डुबकी दैणैं आल़अ यहूदा मुल्खै रेगीस्तानै लोगा परमेशरो इहअ समाद खोज़दअ लागअ द, 2 "पापो प्राश्त करा, संघा फिरा परमेशरा बाखा, स्वर्गो राज़ गअ नेल़ एछी।" 3 अह थिअ सह ई, ज़सरै बारै परमेशरे गूर ईशायाह इहअ थिअ बोलअ द,
"शुन्नैं रेगीस्ताना का आसा कुंण हाक्का लांदअ अर इहअ बोल्दअ लागअ द,
‘प्रभू एछणें धैल़ी लै डाहा बाता शुंहीं-शोधी,
तेऊए सुआगत करना लै रहा सोभ तैर्हुई।’"
4 अह जोहन्ना बान्हां त घेरी ऊँटे शेलीए झिकल़ै अर आपणीं कुछी दी च़ाम्भल़ेओ गाचू, अर खाणां लै खाआ त रैट्टै अर मखीर।
5 तेखअ आऐ एरुशलेम नगरी, यहूदा मुल्खै कई ज़ैगा अर जरदण नदी ओरी-पोरी रहणैं आल़ै कई ज़ैगा का लोग जोहन्ना सेटा लै। 6 तिन्नैं लई आपणैं-आपणैं पाप मनी जरदण नदी दी तेऊ का डुबकी।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)