Mateus 5

लूंण अर लाटू

13 "ज़िहअ रोटी लै लूंण पाआ तिहै हणैं तम्हैं बी संसारा लै। पर ज़ै लूंणो सुआद लूंणअ नांईं होए, तै सह किज़ू करै करनअ लूंणअ? तेखअ निं तेता ढेक्‍का शोटणै का सुआई किछ़ै काम रहंदअ।

14 "तम्हैं आसा संसारा लै प्रैश्शअ, ज़ुंण गराअं धारा प्रैंदै हआ बस्सअ द, सह शुझिआ सोभी का। 15 इहअ निं कोह आथी ज़ुंण दीअ ज़ाल़ी दरोठू भितरी डाहा पाई तेता डाहा दीअदानी दी उछ़टै ताकि सारै घअरै प्रैश्शअ होए। 16 ठीक इहअ लोल़ी ई थारअ प्रैश्शअ बी होरी लोगा नदरी च़मकअ। ताकि तिंयां थारै भलै कामां भाल़ी परमेशरे बड़ैई करे ज़ुंण थारअ बाब स्वर्गै आसा।