25 "तैही बोला हुंह तम्हां लै इहअ कि आपणीं ज़िन्दगी लै इहअ फिकर निं करी कि किज़ै खाणअ किज़ै पिणअ? नां आपणीं देही लै फिकर करी कि हाम्हां किज़ै बान्हणअ? ज़िन्दगी आसा रोटी का अर देही आसा झिकल़ै का खास्सी किम्मती।

26 "सरगै डैऊंदै च़ेल्‍लू-पखीरू भाल़ा! तिंयां नां बऊंदै, नां लऊंदै आथी, अर नां तिंयां भढारा भरना लै कठा करदै। तैबी दैआ थारअ स्वर्गै रहणैं आल़अ बाब परमेशर तिन्‍नां लै खाणअ-पिणअ। तम्हैं कै तिन्‍नां का खास्सै किम्मती निं आथी? 27 तम्हां मांझ़ै इहअ कुंण आसा कि फिकर करी आपणीं अमर धख ज़ेही बी सका लाम्मी करी?