रूत 4

14 नगरीए होर बेटल़ी लागी नाओमी लै इहअ बोल्दी, "बिधाता दैनी ताल्है बर्गत! तेऊ दैनअ ताल्है आझ़ पोचअ कि सह तेरी हेर-सभाल़ करे। अह शोहरू लोल़ी त इज़राईला दी खास्सअ मशूर हुअ!✝4:14 लूक. 15 तेरी नुश झ़ूरा ताल्है खास्सी, ऐहा किअ ताल्है साता शोहरू हणैं का बी खास्सअ। ऐहा दैनअ ताल्है पोचअ ज़ेता करै ताह नऊंईं ज़िन्दगी भेटी अर बुढल़दा हणअ अह तेरी फाज़त करनै आल़अ।"✝4:15 1 शमू.

16 नाओमी च़कअ सह शोहरू उझै संघा लाअ आपणीं हिक्‍का दी, संघा रही तेऊ शोहरू धाचदी लागी।

17 होर बेटल़ी ज़ुंण ओर्ही-पोर्ही संघा रहा ती, तिन्‍नैं डाहअ तेऊ शोहरू नाअं ओबेद*4:17 ओबेद मतलब आसा दास, तैहा डाहअ तेऊ नाओं इहअ सोठी ओबेद कि एऊ करनी आपणीं दादी नाओमीए च़ाकरी। तिंयां बोला ती सोभी का, "नाओमीओ हुअ भाऊ!"

ओबेद त ईशैईओ बाब अर राज़ै दाबेदो दादू।