14 ज़ै तम्हां मांझ़ै कुंण बमार होए, विश्वासीए टोली का विश्वासी टोलीए सैणैं शादै, अर तिन्‍नैं करनी प्रभूए नाओंऐं तिन्‍नां लै तेल मल़ी करै प्राथणां। 15 ज़ुंण प्राथणां तम्हैं परमेशरा सेटा विश्वास डाही करै करे तेता करै हेरनअ परमेशरा सह बमार मणछ तैहा बमारी का बच़ाऊई अर ज़ै तेऊ कोई पाप बी किऐ दै होए, तेते बी भेटणीं तेऊ लै माफी।

16 तैही मना तम्हैं आप्पू मांझ़ै एकी-दुजै सेटा आपणैं पाप, संघा करा एकी-दुजै लै परमेशरा सेटा प्राथणां, ज़िहअ करै तम्हैं भिई नरोगै होए। किल्हैकि धर्मीं मणछे प्राथणां करै सका सोभै गल्‍ला हई।