Naboazi ni iyari aya
13 Paahi etu Naboazi yahaakusha Naruthi ukhalha ahanu aya. Apwiiya Nlhuku nkayaavahera Naruthi nkayaarupalha irukulhu, nkayannyara mwaana mwanlhopwana. 14 Phi vavawo manyoopani o yeyo iwani iyo verenlhe aya Nanaomi wiira, "Athimichiye Apwiiya Nlhuku ovahilheni mmuchi o ulhelhani! Ni uyo atotopelhiye chinene mwiilhaponi Uisraeli mwonkhaye. 15 Yoyo mwaana uyo nouhokolhosherani umwalhi inyu, ni ulhelhani vanohalha inyu wuulhuvalha, ukhalhawaya ahokohi inyu anouttunani ayo, ahonnyara mwaana mwanlhopwana nohalha inyu unkhulhuvelha." 16 Paahi Nanaomi ahonkusha mwaana uyo nkayampakata ni unlhelha.
17 Manyoopani amwaatamana yahomwiihana yoyo mwaana uyo nchina nawe Obedi, yeeraka wiira, "Mwaana hoyaria u Nanaomi." Ni phi Naobedi aayanre Nayese, aayanre Adaudi.
18 Alha phi machina o iyari i Naperesi. Naperesi ahaayara Nahesroni, 19 Nahesroni nkayaayara Narami. Ni Narami nkayaayara Naaminadabu, 20 Naaminadabu nkayaayara Nanahishoni. Nanahishoni nkayaayara Nasalmoni, 21 Nasalmoni nkayaayara Naboazi. Naboazi nkayaayara Naobedi, 22 Naobedi nkayaayara Nayese. Ni Nayese yaayanre Adaudi.