Lucas 1

Nhwambo gwa Zakaliya gwa kunnomba Chapanga

67 Zakaliya tate gwake Yohane, ajhakutwelela Uhuke gwa Chapanga, na jwenio ajhakutumbuu kulonge kwa ulondole.

68 "Alumbililwe Bhambo, Chapanga jwa ku Ichilahele!

Kwa nhwalo ahikite kwatangatila bhando bhake na kwakombola.

69 Atuleti Nkomboche jhuna makakala,

kuhumii muchokolo gwa Daude ntumiche mundo,

70 na ngita chalongila makacho, kupete kwa akalondole bhake bha nyahinyahi.

71 Natukombola kuhumii mu mabhoko gha akamakoko bhito,

na kutubhoha mu mabhoko gha bhando bhoha bhibhituchimwa.

72 Akalongii nabhabhonela kiya akahoko bhito,

na abhii kulikomboka lilaghano lya nyahinyahi.

73 Akanapanikiye tate gwito Ulahimo, kubhehe natutangatila twenga,

74 tughombokoke kuhumii mu mabhoko gha akamakoko bhito,

na tunhengele lihengo Chapanga changapwelela.

75 Kongo tubhii bhaumbone palonge jhake na kuhenga ghighanhalalila Chapanga,

kwa machiko ghoha gha ughome gwito.

76 Mwanango jhonjo, nakemwa nnondole jwa Chapanga Nkolongwa,

kongo namunongolela Bhambo,

kunenganikiya lukwalo lwake, kunenganikiya ndela jhake,

77 na kwatangachii bhando bhoha nabhaghombokoka,

kwa kulekekewa uhakaho gwabhe.

78 Chapanga gwito jwaumbone na jhuna kiya ngolongwa,

natumulikila lilangamule lyake lya ughombokeko kuhumii kunane,

79 na kwamulikila bhoha ndaa bhibhabhii mulubhendo lwa kuwe kwabhe,

na kutulongoya matyangilo ghito muughome gwa uteeke."