Matei 9

Nchikana jwawile na majhe jhumo jwalwalwa

18 Yecho palongila gheniya, nkolo jhumo Uyahude akahikite, akannyinamile na kulonge, "Nchikana gwango ahwii ngohengohe. Nambo chonde, tijhende ukamekele lubhoko lwino na jwenio nalama."

19 Yecho ajhakulongohana na bhabholwa bhake, bhajhakunkengama helahela.

20 Majhe jhumo, atehila kulwalwa ulwalo gwa pihe kwa yaka kome na ibhele, ajhakunkengama Yecho chakuyeto, akapapihe lilombolo lya ngobho jhake. 21 Ajhakukilobholela hote akahwachii ku mwojho gwake, "Anda mbapihe tugha ngobho jhake namaha njelembo."

22 Bhahe, Yecho paghalambwika ajhakumona, ajhakunnobholela, "Nchikana gwango nkangamale mwojho, kihobholelo chino kinnamiche." Nchikana jwenio akalamite papa peniya.

23 Peniya Yecho akajhingii munyumba jha munahota jhola. Na kwabhona pibhahonita itolilo na lilongo lya bhando bhibhalela kongo bhayolayola pahe, 24 alongila, "Mmokangane pamba! Nchikana jhonjo ahwii ndeka, agholwike tugha." Na bhene bhajhakunheka. 25 Bhahe, lilongo lya bhando pibhabhokita, Yecho akajhingii nkate, akankamwii nchikana jhola lubhoko, na jwenio ajhakujhema. 26 Malobhe gheniya ghajhakupechangana pa kilambo choha.