1 un Dovid hot gehaltn an eitse mit di hoiptlait fun di toizntn un fun di hundertn, mit itlechn onfirer. 2 un Dovid hot gezogt tsu der ainzamlung fun Yisroel: oib aich iz voilgefeln, un es iz fun Hashem Elokeinu, lomir breit funandershikn tsu undzere iberike brider in ale lender fun Yisroel, un tsuglaich mit zei tsu di koyanim un tsu di Leviim vos zainen in zeyere shtet mit di fraie peletser, az zei zoln zich oifklaibn tsu undz. 3 un lomir ariberbrengen dem orn fun Elokeinu tsu undz, vorem mir hobn im nisht gezucht in di teg fun Shauln. 4 hot di gantse ainzamlung gezogt, me zol azoi ton, vorem di zach iz geven glaich in di oign fun dem gantsn folk. 5 un Dovid hot aingezamlt gants Yisroel fun Shichor fun Mitsrayim un biz me kumt kein Chammat, kedei tsu brengen dem orn fun HaElokim fun Kiryat-Yearim.

6 un Dovid un gants Yisroel zainen aroifgegangen kein Baalah, kein Kiryat-Yearim vos gehert tsu Yehudah, kedei aroiftsubrengen fun dortn dem orn fun HaElokim Hashem vos zitst iber di kruvim, vos zain nomen vert gerufn deroif. 7 un zei hobn aroifgeleigt dem orn fun HaElokim oif a naiem vogn fun Avinadavs hoiz, un Uzza un Achyo hobn gefirt dem vogn. 8 un Dovid un gants Yisroel, hobn zich freilech gemacht far Elokim mitn gantsn koiech, mit gezangen, un mit harfn, un mit gitarn, un mit poikn, un mit tsimblen, un mit trumeitn.

9 un vi zei zainen gekumen biz tsum dresh-shaier fun Kidon, hot Uzza oisgeshtrekt zain hant ontsunemen dem orn, vorem di rinder hobn im aropgerukt. 10 hot der tsorn fun Hashem gegrimt oif Uzzan, un er hot im geshlogn far vos er hot oisgeshtrekt zain hant tsum orn; un er iz dortn geshtorbn far Elokim.

11 un Dovidn hot geergert vos Hashem hot gebracht a broch oif Uzzan. un me ruft yenem ort Perets-Uzza biz oif haintikn tog. 12 un Dovid hot moire gehat far Hashem in yenem tog, azoi tsu zogn: vi azoi zol ich brengen tsu mir dem orn fun HaElokim?

13 un Dovid hot nisht avekgenumen dem orn tsu zich in Dovids-shtot, nor er hot im opgefirt tsu dem hoiz fun Oved-Edomen fun Gat. 14 un der orn fun HaElokim iz geblibn bai dem hoizgezint fun Oved-Edomen in zain hoiz drai chodeshim. un Hashem hot gebentsht dos hoiz fun Oved-Edomen, un alts vos er hot gehat.