1 un es iz geven, az Dovid hot zich bazetst in zain hoiz, hot Dovid gezogt tsu Natan dem novi: ze, ich zits in a hoiz fun tsedern, un der orn fun Hashems bris iz unter forhangen. 2 hot Natan gezogt tsu Dovidn: alts vos in dain hartsn, tu, vorem HaElokim iz mit dir.

3 un es iz geven in yener nacht, iz dos vort fun Elokim geven tsu Natanen, azoi tsu zogn: 4 gei un zolst zogn tsu main knecht Dovidn: azoi hot Hashem gezogt: nisht du vest mir boien a hoiz tsum voinen; 5 vorem ich hob nisht gevoint in a hoiz fun dem tog vos ich hob oifgebracht Yisroel biz oif haintikn tog; neyert ich bin gegangen fun getselt tsu getselt, un fun ein mishkn tsum andern.

6 umetum vu ich bin umgegangen tsvishn gants Yisroel, hob ich ven a vort geredt mit einem fun di richter fun Yisroel, vos ich hob bafoiln tsu fitern main folk, azoi tsu zogn: far vos hot ir mir nisht geboit a hoiz fun tsedern? 7 un atsund, zolstu azoi zogn tsu main knecht, tsu Dovidn: azoi hot gezogt Hashem Tseva'ot: ich hob dich genumen fun dem fiterplats, fun hinter di shof, tsu zain a firsht iber main folk Yisroel. 8 un ich bin geven mit dir umetum vu du bist gegangen, un ich hob farshnitn ale daine faint fun far dir; un ich vel dir machn a nomen, azoi vi der nomen fun di greste vos oif der erd. 9 un ich vel machn an ort far main folk Yisroel, un vel im ainflantsn er zol ruen oif zain ort, un mer nisht tsiteren, un farbrecher zoln im mer nisht umbrengen azoi vi frier, 10 fun di teg vos ich hob bafoiln richter iber main folk Yisroel. un ich vel machn untertenik ale daine faint. un ich zog dir on, az Hashem vet dir boien a hoiz. 11 un es vet zain, az daine teg veln derfilt vern tsu gein tsu daine eltern, vel ich oifshteln dain zomen noch dir, vos vet zain fun daine kinder, un ich vel bafestikn zain meluche. 12 er vet mir boien a hoiz, un ich vel bafestikn zain tron oif eibik. 13 ich vel im zain far a foter, un er vet mir zain far a zun, un ich vel nisht opton main chesed fun im, azoi vi ich hob opgeton fun dem vos iz geven far dir. 14 un ich vel im oifshteln in main hoiz un in main kinigraich biz oif eibik, un zain tron vet zain fest biz eibik.

15 azoi vi ale di dozike verter, un azoi vi di dozike gantse zeung, azoi hot Natan geredt tsu Dovidn.

16 un der melech Dovid iz gekumen, un hot zich gezetst far Hashem, un hot gezogt: ver bin ich, o Hashem Elokim, un ver iz main hoiz, vos du host mich gebracht biz aher? 17 un dos, Elokim, iz noch geven klein in daine oign, un du host geredt vegen dem hoiz fun dain knecht oif vaiter ahin, un host mich batracht in shteiger fun a gehoibenem man, o Hashem Elokim. 18 vos mer noch ken Dovid dir zogn vegen dem koved tsu dain knecht? du kenst doch dain knecht. 19 Hashem, fun vegen dain knecht, un loit dain hartsn hostu geton al di dozike groiskeit, tsu lozn visen di ale groise zachn. 20 Hashem, es iz nishto aza vi du, un nishto kein G-t achuts dir, loit alts vos mir hobn gehert mit undzere oiern.

21 un voser eintsike ume oif der erd iz azoi vi dain folk Yisroel, vos HaElokim iz gegangen oisleizen far zich tsum folk, dir tsu machn a nomen durch groise un forchtike zachn – tsu fartraiben umes fun far dain folk vos du host oisgeleizt fun Mitsrayim? 22 vorem du host gemacht dain folk Yisroel dir tsum folk oif eibik, un du, Hashem, bist gevorn zei tsum Elokim. 23 un atsund, Hashem, zol dos vort vos du host geredt vegen dain knecht un vegen zain hoiz bevort vern oif eibik, un tu azoi vi du host geredt. 24 yo, zol es bevort vern, un zol dain nomen gegreist vern oif eibik, azoi tsu zogn: Hashem Tseva'ot iz Elokei Yisroel – a G-t far Yisroel, un dos hoiz fun Dovid dain knecht zol zain fest far dir. 25 vorem du, main G-t, host antplekt dem oier fun dain knecht, im tsu boien a hoiz, derum hot dain knecht zich dervegt mispalel tsu zain far dir. 26 un atsund, Hashem, du bist HaElokim, un du host tsugezogt dain knecht dos dozike guts, 27 un host atsund bavilikt tsu bentshn dos hoiz fun dain knecht, tsu zain oif eibik far dir; az du, Hashem, host gebentsht, zol es zain gebentsht oif eibik.