1 un es iz geven noch dem, hot Dovid geshlogn di Pelishtim, un hot zei gemacht untertenik, un hot tsugenumen Gat mit ire techtershtet fun der hant fun di Pelishtim.

2 un er hot geshlogn Moav, un Moav iz gevorn tsu Dovidn knecht vos brengen minche.

3 un Dovid hot geshlogn Hadadezer dem melech fun Tsovah in Chammat, beeis er iz gegangen oifshteln zain eiberhant baim taich Parat. 4 un Dovid hot batsvungen fun im toiznt raitvegn, un zibn toiznt raiter, un tsvantsik toiznt man fusgeyer; un Dovid hot geleimt ale geshpanen, nor hundert geshpan hot er ibergelozt fun zei.

5 iz Aram fun Darmesek gekumen helfn Hadadezer dem melech fun Tsovah, un Dovid hot geshlogn fun di Aramim tsvei un tsvantsik toiznt man. 6 un Dovid hot geshtelt in Aram-Darmesek, un Aram iz gevorn tsu Dovidn knecht vos brengen minche. un Hashem hot geholfn Dovidn umetum vu er iz gegangen.

7 un Dovid hot genumen di gilderne shildn vos zainen geven oif Hadadezers knecht, un hot zei gebracht kein Yerushalayim. 8 un fun Tivchat, un fun Kun, Hadadezers shtet, hot Dovid tsugenumen zeyer fil kuper. derfun hot Shlomo gemacht dem kupernem yam, un di zailn, un di kuperne keilim.

9 un Tou der melech fun Chammat hot gehert az Dovid hot geshlogn dem gantsn cheil fun Hadadezer dem melech fun Tsovah, 10 un er hot geshikt zain zun Hadoramen tsum melech Dovid im tsu fregn oif frid un im ontsuvintshn, far vos er hot milchome gehaltn mit Hadadezern, un im geshlogn – vorem Hadadezer hot gehat milchomes mit Touen – mit alerlei gilderne un zilberne un kuperne keilim. 11 zei oich hot der melech Dovid geheilikt tsu Hashem, mit dem zilber un dem gold vos er hot avekgenumen fun ale felker: fun Edom, un fun Moav, un fun di kinder fun Amon, un fun di Pelishtim, un fun Amalek.

12 un Avishai der zun fun Tseruyahn hot geshlogn fun Edom in dem tal fun zalts achtsen toiznt. 13 un er hot geshtelt vachn in Edom, un gants Edom iz gevorn knecht tsu Dovidn. un Hashem hot geholfn Dovidn umetum vu er iz gegangen. 14 un Dovid hot gekinigt iber gants Yisroel, un er hot geton recht un gerechtikeit tsu zain gantsn folk.

15 un Yoav der zun fun Tseruyahn iz geven ibern cheil; un Yehoshafat der zun fun Achiludn, der dermoner. 16 un Tsadok der zun fun Achituvn, un Avimelech der zun fun Evyatarn, koyanim; un Shavsha, der shraiber. 17 un Benayahu der zun fun Yehoyadaen, iber di Keretim un di Peletim; un di zin fun Dovidn, di ershte bai der hant fun melech.