1 un Hashem hot geredt tsu Mosheen oifn barg Sinai, azoi tsu zogn: 2 red tsu di kinder fun Yisroel, un zolst zogn tsu zei: az ir vet kumen in dem land vos ich gib aich, zol dos land haltn a Shabbos tsu Hashem. 3 zeks yor zolstu farzeyen dain feld, un zeks yor zolstu arumshnaidn dain vaingorten, un ainzamlen dem aintrog derfun. 4 ober oifn zibetn yor zol zain a Shabbos fun ruung faran land, a Shabbos tsu Hashem; dain feld zolstu nisht farzeyen, un dain vaingorten zolstu nisht arumshnaidn.

5 dem nochvuks fun dain shnit zolstu nisht shnaidn, un di troibn fun daine nisht bashnitene vainshtokn zolstu nisht harbstn; a yor fun ruung zol es zain faran land. 6 un di Shabbos-frucht fun land zol zain far aich tsum esen: far dir, un far dain knecht, un far dain dinst, un far dain gedungenem, un far dain aingevandertn, vos halt zich oif bai dir; 7 un far dain beheime, un far der chaye vos in dain land, zol zain ir gantser aintrog tsum esen.

8 un zolst dir optseiln zibn Shabbosim yorn, zibn mol zibn yor; un di teg fun di zibn Shabbosim yorn veln dir zain nain un fertsik yor. 9 dentsmol zolstu aroislozn a shalung fun shoifer; in zibetn choidesh, in tsentn tog fun choidesh, um Yom-Kippor, zolt ir aroislozn a shoifer in aier gantsn land. 10 un ir zolt heilikn dos fuftsikste yor, un oisrufn a frailozung in land far ale ire bavoiner; Yuval zol es aich zain; un ir zolt aich umkeren itlecher tsu zain eigentum, un itlecher tsu zain mishpoche zolt ir aich umkeren. 11 Yuval zol dos fuftsikste yor aich zain; ir zolt nisht zeyen, un nisht shnaidn zaine nochvuksn, un nisht harbstn zaine nisht bashnitene vainshtokn. 12 vorem Yuval iz dos; heilik zol es aich zain; fun feld arop zolt ir esen zain tvue. 13 in dem dozikn yor fun Yuval zolt ir aich umkeren itlecher tsu zain eigentum. 14 un az ir vet farkoifen a farkoifung tsu dain chever, oder koifn fun der hant fun dain chever, zolt ir nisht narn einer dem andern. 15 loit der tsol fun di yorn nochn Yuval zolstu koifn fun dain chever; loit der tsol fun tvue-yorn zol er dir farkoifen. 16 loit der merkeit fun di yorn zolstu mern dem mekch derfun, un loit der minerkeit fun di yorn zolstu minern dem mekch derfun; vorem di tsol fun tvues farkoift er dir. 17 un ir zolt nisht narn einer dem andern, un zolst moire hobn far dain G-t, vorem ich bin Hashem Elokeichem. 18 un ir zolt ton maine chukkim, un hitn maine gezetsn, un zei ton, kedei ir zolt zitsn oif aier land in zicherkeit. 19 un dos land vet gebn ir frucht, un ir vet esen tsu zat, un vet zitsn in zicherkeit deroif. 20 un az ir vet zogn: vos veln mir esen in zibetn yor? mir veln doch nisht zeyen, un nisht ainzamlen undzer tvue? 21 vel ich bafeln main broche oif aich in dem zekstn yor, un es vet brengen tvue far drai yor. 22 un az ir vet zeyen oifn achten yor, vet ir esen fun der tvue, dos alte; bizn naintn yor, biz es kumt zain tvue, vet ir esen dos alte. 23 un di erd zol nisht farkoift vern oif eibik, vorem tsu mir gehert di erd; vorem fremde un aingevanderte zait ir bai mir. 24 un in dem gantsn land fun aier eigentum zolt ir gebn der erd an oisleizung.

25 az dain bruder vet orim vern, un vet farkoifen fun zain eigentum, zol kumen zain korev vos iz der nentster tsu im, un oisleizen dem farkoif fun zain bruder. 26 un az a man vet nisht hobn kein oisleizer, ober zain hant vet vern farmeglech, un er vet tsunoifkrign genug es oistsuleizn, 27 zol er barechenen di yorn fun zain farkoifung, un tsuriktsoln dem resht tsu dem man vos er hot tsu im farkoift; un er zol zich umkeren tsu zain eigentum. 28 oib ober zain hant ken nisht tsunoifkrign genug im tsuriktsutsoln, zol zain farkoif blaibn in der hant fun dem vos hot es gekoift, biz dem yor fun Yuval, un um Yuval zol es aroisgein; un er zol zich umkeren tsu zain eigentum.

29 un az a man vet farkoifen a voinhoiz in a shtot mit a moier, zol zain oisleizrecht zain biz es endikt zich dos yor fun zain farkoifung; a yor zol zain zain oisleizrecht. 30 oib ober es vet nisht oisgeleizt vern biz es vert ful deroif a gants yor, zol dos hoiz vos in der shtot vos hot a moier, blaibn oif eibik bai dem vos hot es gekoift, oif zaine dor-doires; es zol nisht aroisgein um Yuval. 31 ober di haizer fun di derfer, vos hobn nisht kein moier rund arum, zoln tsugerechnt vern tsum feld fun land; zei zoln hobn an oisleizung, un um Yuval zoln zei aroisgein. 32 un di shtet fun di Leviim, di haizer fun di shtet fun zeyer eigentum – di Leviim hobn an eibik oisleizrecht. 33 un az me vet koifn fun di Leviim, zol dos farkoifte hoiz in der shtot fun zain eigentum aroisgein um Yuval, vorem di haizer fun di shtet fun di Leviim dos iz zeyer eigentum tsvishn di kinder fun Yisroel. 34 ober dos feld fun dem fraien plats arum zeyere shtet ken nisht farkoift vern, vorem an eibik eigentum iz dos zei.

35 un az dain bruder vet orim vern, un zain hant vet zain gefaln bai dir, zolstu im oifhaltn vi a fremdn un aingevandertn, az er zol kenen lebn bai dir. 36 zolst nisht nemen fun im tsinzn oder merung, un zolst moire hobn far dain G-t; kedei dain bruder zol kenen lebn bai dir. 37 zolst im nisht gebn dain gelt oif tsinzn, un dain esnvarg zolstu nisht gebn oif merung. 38 ich bin Hashem Elokeichem vos hot aich aroisgetsoign fun dem land Mitsrayim, aich tsu gebn dos land Kenaan, tsu zain tsu aich tsum Elokim.

39 un az dain bruder vet orim vern bai dir, un vet zich farkoifen tsu dir, zolstu nisht arbeten mit im azoi vi me arbet mit a knecht. 40 vi a gedungener, vi an aingevanderter, zol er zain bai dir; biz dem yor fun Yuval zol er dinen bai dir. 41 dentsmol zol er aroisgein fun dir, er un zaine kinder mit im, un er zol zich umkeren tsu zain mishpoche, un tsu dem eigentum fun zaine eltern zol er zich umkeren. 42 vorem maine knecht zainen zei, vos ich hob zei aroisgetsoign fun land Mitsrayim; zei torn nisht farkoift vern vi me farkoift a knecht. 43 zolst nisht geveltikn iber im mit hartikeit, un zolst moire hobn far dain G-t. 44 un dain knecht un dain dinst, vos veln zain bai dir – fun di felker vos arum aich, fun zei zolt ir koifn a knecht oder a dinst. 45 un oich fun di kinder fun di aingevanderte vos haltn zich oif bai aich, fun zei kent ir koifn, un fun zeyere mishpoches vos bai aich, vos zei hobn geborn in aier land; un zei kenen aich vern tsum eigentum. 46 un ir kent zei lozn beyerushe tsu aiere kinder noch aich, tsu arben far an eigentum; oif eibik kent ir arbeten mit zei; ober iber aiere brider, di kinder fun Yisroel, einer ibern andern, zolt ir nisht geveltikn mit hartikeit.

47 un az di hant fun dem fremdn oder dem aingevandertn bai dir vet vern farmeglech, un dain bruder vet orim vern lebn im, un vet zich farkoifen tsu dem aingevandertn fremdn bai dir, oder tsu an opshtam fun a fremdns mishpoche, 48 ken er, nochdem vi er hot zich farkoift, hobn an oisleizung; einer fun zaine brider ken im oisleizen; 49 oder zain feter, oder zain feters zun ken im oisleizen, oder emitser a laib-krub fun zain mishpoche ken im oisleizen; oder, oib zain hant vert farmeglech, ken er zich alein oisleizen. 50 un er zol zich oisrechenen mit zain koifer, fun dem yor vos er hot zich farkoift tsu im biz dem yor fun Yuval, un dos gelt fun zain farkoifung zol oisgevorfn vern loit der tsol fun yorn; azoi vi di teg fun a gedungenem zol zain vos er iz opgeven bai im. 51 sai es zainen noch do fil yorn, zol er loit zei tsuriktsoln fun zain praiz far zain oisleizung, 52 un sai es zainen geblibn vintsik yorn biz dem yor fun Yuval, zol er zich mit im oisrechenen; vi noch zaine yorn zol er tsuriktsoln far zain oisleizung. 53 azoi vi a gedungener fun yor tsu yor zol er zain bai im; er zol nisht geveltikn iber im mit hartikeit far daine oign. 54 un oib er vet nisht oisgeleizt vern oif di dozike oifanem, zol er aroisgein in yor fun Yuval, er un zaine kinder mit im. 55 vorem tsu mir zainen di kinder fun Yisroel knecht; maine knecht zainen zei, vos ich hob zei aroisgetsoign fun land Mitsrayim: ich bin Hashem Elokeichem.