1 un es iz geven in choidesh nisn, in tsvantsikstn yor fun melech Artachshasta, iz vain geven far im, un ich hob genumen dem vain, un hob derlangt dem melech. un ich bin kein mol frier nisht geven troierik far im. 2 hot der melech tsu mir gezogt: far vos iz dain ponem troierik, az krank bistu nisht? dos iz nisht andersh saidn a troierkeit fun hartsn. hob ich zeyer shtark moire gehat. 3 un ich hob gezogt tsum melech: eibik lebn zol der melech! far vos zol main ponem nisht zain troierik, az di shtot, der ort fun maine elterns kvorim, iz chorev, un ire toiern zainen fartsert fun faier? 4 hot der melech tsu mir gezogt: vos farlangstu den? hob ich mispalel geven tsum Elokim fun himel. 5 un ich hob gezogt tsum melech: oib dem melech iz voilgefeln, un oib dain knecht iz voilgefeln far dir, az du zolst mich lozn gein kein Yehudah tsu der shtot fun maine elterns kvorim, az ich zol zi opboien. 6 hot der melech tsu mir gezogt: – un di malke iz gezesn lebn im – oif biz vanen vet zain dain gein? un ven vestu zich umkeren? un es iz voilgefeln far dem melech, un er hot mich gelozt gein, az ich hob im gegebn a tsait. 7 un ich hob gezogt tsum melech: oib dem melech iz voilgefeln, zol men mir gebn briv tsu di firshtn fun yener zait taich, az zei zoln mich lozn durchgein, biz ich vel kumen kein Yehudah; 8 un a briv tsu ASaf dem hiter fun melechs boimgortn, az er zol mir gebn holts oif tsu leign balkns oif di toiern fun der festung vos tsum hoiz, un far der shtottoier, un far dem hoiz, vos ich vel kumen tsu im. un der melech hot mir gegebn loit der guter hant fun main G-t oif mir.

9 un ich bin gekumen tsu di firshtn fun yener zait taich, un hob zei gegebn di briv fun melech; un der melech hot geshikt mit mir eltste fun cheil, un raiter. 10 hot derhert Sanvalat der Choroni, un Toviyah der Amonisher knecht, un zei hot fardrosn a grois fardros vos a mentsh iz gekumen zuchn guts far di kinder fun Yisroel.

11 un ich bin gekumen kein Yerushalayim, un bin dortn geven drai teg. 12 un ich bin oifgeshtanen bai nacht, ich un etleche mener mit mir; un ich hob nisht dertseilt kein mentshn vos main G-t hot araingegebn in main hartsn tsu ton in Yerushalayim; un kein beheime hob ich mit mir nisht gehat, achuts di beheime vos ich bin oif ir geritn. 13 un ich bin arois durch dem toier fun tal bai nacht, un akegn dem shlangenkval, un tsu dem misttoier, un ich hob batracht di moiern fun Yerushalayim vos zainen geven aingebrochn, un ire toiern vos zainen geven fartsert fun faier. 14 un ich bin aribergegangen tsum kvaltoier, un tsum melechs bach; ober es iz nisht geven ort genug far der beheime unter mir durchtsugein. 15 un ich bin aroifgegangen durchn tal in der nacht, un hob batracht di moier; un ich hob zich umgekert un bin gekumen tsum toier fun tal, un hob zich tsurikgekert. 16 un di forshteyer hobn nisht gevust vuhin ich bin gegangen, un vos ich tu, vorem di Yidn, un di koyanim, un di adllait, un di forshteyer, un di iberike vos hobn geton di arbet, hob ich biz aher gornisht dertseilt.

17 un ich hob tsu zei gezogt: ir zet in vos far an umglik mir zainen, az Yerushalayim iz chorev, un ire toiern zainen farbrent fun faier; kumt un lomir opboien di moier fun Yerushalayim, az mir zoln mer nisht zain tsu shand. 18 un ich hob zei dertseilt vegen der hant fun main G-t vos iz geven gut oif mir, un oich di verter fun melech vos er hot mir gezogt. hobn zei gezogt: lomir oifshtein un boien. un zei hobn geshtarkt zeyere hent tsum gutn. 19 hot derhert Sanvalat der Choroni, un Toviyah der Amonisher knecht, un Geshem der araber, un zei hobn geshpet fun undz, un hobn undz mevaze geven, un hobn gezogt: vos iz di dozike zach vos ir tut? vilt ir kegen dem melech vidershpenikn? 20 hob ich zei gegebn an entfer un hob tsu zei gezogt: Elokei himel, er vet undz balikn, un mir zaine knecht veln oifshtein un veln boien; un ir hot nisht kein chelek un kein recht un kein gedechenish in Yerushalayim.