Apocalipse 21

10 Su Rohu gwa Mlungu kanjegiti na ntumintumi gwa kumpindi kankweneziya palugongu lutali nentu. Kananguziyiti lushi lunanagala, Yerusalemu palusuluka kulawa kumpindi, 11 pawung’ereng’eta ukwisa wa Mlungu. Ulangala wakuwi uweriti gambira libuwi lya beyi nkulu lyalishemwa yasipi, gambira mabuwi gaherepa nentu ga beyi nkulu, lilangala gambira libuwi lyalimulika. 12 Shiweriti na shibambaza sha liboma shitali na shikulu, lwaluwera na magomi malongu na mbili na kila gumu guloleritwi na ntumintumi gwa kumpindi. Pa kila ligomi palembitwi matawu ga makabila lilongu na mbili ga Israeli. 13 Kuweriti na magomi makulu matatu, uwega wa kwagulawiti mshenji kuweriti na magomi makulu matatu na kushana magomi makulu matatu na uwega wa kusika kuweriti na magomi makulu matatu na uwega wa kwaguzyetiti mshenji kuweriti na magomi makulu matatu. 14 Vibambaza vya lushi alu viweriti vinyawa kwa mabuwi galyanjiru lilongu na mbili na kila libuwi lya lyanjiru palembitwi litawu limu lya wantumintumi lilongu na mbili wa Mwanakondolu.