1 Yesu Kristu kaweriti mwiwuka gwa Dawudi na mwiwuka gwa Aburahamu. Ayi ndo walanga ya lukolu wakuyi,

2 Aburahamu kamwiwuliti Isaka na Isaka kamwiwuliti Yakobu na Yakobu kamwiwuliti Yuda na walongu wakuyi, 3 Yuda kamwiwuliti Peresi na Zera mawu gwawu kaweriti Tamari na Peresi kamwiwuliti Hesironi na Hesironi kamwiwuliti Rami, 4 Rami kamwiwuliti Aminadabu na Aminadabu kamwiwuliti Nashoni na Nashoni kamwiwuliti Salimoni 5 na Salimoni kamwiwuliti Boazi mawu gwakuyi kaweriti Rahabu, Boazi na Ruti waweriti walera wa Obedi, Obedi kamwiwuliti Yese.

6 Na Yese kamwiwuliti Mfalumi Dawudi na Dawudi kamwiwuliti Selemani mawu gwakuyi kaweriti mdala gwa Uriya, 7 Selemani kamwiwuliti Rehobowamu na Rehobowamu kamwiwuliti Abiya na Abiya kamwiwuliti Asa. 8 Asa kamwiwuliti Yehoshafati na Yehoshafati kamwiwuliti Uziya 9 na Uziya kamwiwuliti Yosamu na Yosamu kamwiwuliti Ahazi na Ahazi kamwiwuliti Hezekiya. 10 Hezekiya kamwiwuliti Manasi na Manasi kamwiwuliti Amoni na Amoni kamwiwuliti Yosiya 11 na Yosiya kamwiwuliti Yekoniya na walongu wakuyi. Ashi shiweriti shaka sha Wayawudi pawawajegiti kugenda muuhamisiwu Babiloni.

12 Pa Wayawudi kuwatola kugenda muuhamisiwu Babiloni, Yekoniya kamwiwuliti Sheyatieli na Sheyatieli kamwiwuliti Zerubabeli, 13 Zerubabeli kamwiwuliti Abiyudi na Abiyudi kamwiwuliti Eliyakimu na Eliyakimu kamwiwuliti Azori. 14 Azori kamwiwuliti Sadoki na Sadoki kamwiwuliti Akimu na Akimu kamwiwuliti Eliwudi. 15 Eliwudi kamwiwuliti Eleyazari na Eliyazari kamwiwuliti Matati na Matati kamwiwuliti Yakobu. 16 Yakobu kamwiwuliti Yosefu mpalu gwa Mariya, mawu gwa Yesu, yawamshema Kristu.

17 Su kuweriti na viyiwuku kumi na msheshi kwanjira Aburahamu mpaka Dawudi na viyiwuku kumi na msheshi kwanjira Dawudi mpaka Wayawudi pawawalopoliti kugenda Babiloni na viyiwuku kumi na msheshi kwanjira pawawatoliti lopola mpaka shaka sha Kristu.

18 Hangu ndo Yesu Kristu ntambu yakiwukiti, Mariya mawu gwakuyi Yesu kaweriti kahetitwi na Yosefu. Kumbiti pamberi pa kulikala pamuhera gambira mpalu na mdala, kawonikaniti kana yinda kwa uwezu wa Rohu Mnanagala. 19 Yosefu mpalu gwakuyi kaweriti kamfiriziya Mlungu, kafiriti ndiri kumlanguziya kwa wantu kuwera kana vidoda, su kafiriti kumleka kwa bada. 20 Pakaweriti kankali kankulihola hangu, malayika kamulawira mukulota na kumgambira, "Yosefu mwana gwa Dawudi, nagutira kumtola Mariya kaweri mdala gwaku. Mana kana yinda kwa uwezu wa Rohu Mnanagala. 21 Hakamwiwuli mwana mpalu, nagwenga hagumshemi Yesu, toziya yomberi ndo hakawalopoli wantu kulawa muvidoda vyawu."

22 Vinu, vyoseri avi vilawira su viweri nakaka visoweru vyakatakuliti Mtuwa kupitira mbuyi gwa Mlungu, 23 "Luyenja hakaweri na yinda, hakamwiwuli mwana mpalu na womberi hawamshemi litawu lyakuyi Imanuweri." Mana yakuyi, "Mlungu kapamuhera na twenga".

24 Su, Yosefu pakimkiti mumpota katenditi ntambu yakagambiritwi na malayika uli, kamtola mdala gwakuyi. 25 Kumbiti Yosefu waliwoniti ndiri na Mariya mpaka pakamwiwuliti mwana mpalu. Yosefu kamupananiti mwana litawu Yesu.