मसी नी लारे जीक
14 पण मे भगवान ने घणो वारु केम, जे मसी मे आमने जलम जीक मे रेवा करीन मदत करे; जेम गंदायण्या तेल नो गंद आखी दुर फेल जाय तेमेत भगवान अमारी लारे आमु जां जीया तां ह़ारीक ईसु ना बारा मे खुस-खबर पुगाड़ देय। 15 काहाके आमु भगवान अगळ छुटकारो हात करन्या अने छुटकारो हात नी करन्या तीहया बेम जणा जुगु मसी नी गंद से। 16 काना जुगु ते मरवा करीन मरवा वाळी गंद अने काना जुगु, जीवाय करते जीवाय नी गंद से। अने एतरु मोटु काम करे एवु कोय से? 17 आमु से, काहाके भगवान आमु ने मोकल्यो; आमु तीमनीन तेवा नी हय, जे आह़फाम ना नफा नी करते भगवान ना बोल मे रीकामी वात भेसकीन केय; पण आमु ते खरला मन सी भगवान वगा हय्न भगवान नी हजरी मे, ईसु मसी मे खरला रीन खुस-खबर ह़मळावया।