7 पण भगवान नु खजानु आपणा आहया कादा ना बण्‌ला डील मे मेल मेल्‌यु जे कादा ना बणला डोसरा ह़रका से, जीनी सी आपणु ने आहयु अकनाय जाय के आहयी बड़ाय नी घणी जुदी ताखत आपणी नी, पण भगवान नी से। 8 आमु वेला मे घेरवायला रीया, बाखीन आफत मे नी पड़या। आमु घंगवाय रीया, पण कदी आह नी सोड़या। 9 आमु ने वेला ते पाड़े; पण आमने भगवान सोड़े नी; आमु ने पाड़ देय पण आमु जलमकात खुटया नी। 10 ईसु नु जीवणु बी अमारा डील मे उजन्‌तु हय जवा जोवे करीन आमु दाड़ीक अमारा डील मे ईसु नी मोत नो दुख भुगतीन अकन्‌या। 11 ईसु नी जीवाय बी अमारा डील मे उजन्‌ती हय जवा जोवे करीन आमु जीवतेन ईसु नी करते दुख झेलीन मरे एवा हय जीया।