उजाड़्या सोरा नो दाखलो
11 अळतेण ईसु केदो, "काना माणेह ना बे सोरा हता। 12 तीमनी मे गेथो नान्लो सोरो आह़फा ना बाह ने आवीन केदो, ‘ए बाह! माल-धन मे गेथो जे वाटो मारो से, तीहयो वाटो मने आप दे’ एतरे बाह बे सोरा ने तीमनो वाटो वाट देदो।" 13 अने ढेरेत दाड़ा नी हया अने नान्लो सोरो आखु कंय भेळु करीन एक-बीजा देस मे जत र्यो, अने तां तीहयो आह़फा नो वाटा मे आवलु माल-धन फालतु काम मे वापर देदो। 20 ता तीहयो उठीन आह़फा ना बाह ने तां चाल पड़्यो: अने तीहयो आह़फा ना घोर गेथो थोड़ोक सेटो हतो, के तीनो बाह तीने देख लेदो, अने तीनी पोर गीण कर्यो, अने आह़फा ना सोरा ने भेटवा करीन दवड़ीन ज्यो अने गळे लगाड़्यो अने तीने गोळा देदो। 22 पण बाह आह़फा ना सोरा ने बोलायो, अने पावर्याम ने केदो, "सोटात जीन आखा मे गेथा वारु लुगड़ा लावीन मारा सोरा ने पेरावो, अने एक हात नी वीटी आंगळी मे पेरावो अने पोगु मे खाहड़ा पेरावो, 24 काहाके मारो आहयो सोरो मर जेलो हतो, पण हाव जीवतो हय जेलो से। तीहयो खोवाय जेलो हतो, पण हाव जड़ जेलो से। अने तीहया खुसी मनाव्वा बाज ज्या।"