मरकुस 3

22 ✝ 3:22 मत्‌ती 9:34; 10:25 यरुसलेम गेथा आवला युहदी-धरम ह़ीकाड़न्‌या बी केता हता के "ईसु मे ते बालजबुल भराय र्‌यो, जे भुत नो मुखी भुतड़ो से, अने आहयो ईसु आहया भुत ना ज्‌योरे भुत ने माणहु मे गेथा काडीन नहाड़े।"

23 ईसु तीमने ह़ाते बोलायो अने दाखलान✝3:23 मरकुस 4:2 लारे तीमने केदो: "भुतड़ो कीसम भुतड़ा ने नीकाळीन नहाड़ सके? 24 कदी एकीत राज ना माणहु आंबा-सांबा वीरोद करीन वटाय जाय, ता तीहयु राज कीसम टेकी सकहे? 25 एकीत घोर ना माणहु आंबा-सांबा वीरोद करीन वटाय जाय, ता तीहयु घोर कीसम टेकी सकहे? 26 एतरे कदी भुतड़ो आह़फा नो वीरोद करीन वटाय जाय, ता तीने टेकलो नी रेवाय अने तीहयो मर जाय।

27 "कोय बी माणहे एक जोर वाळा माणेह ना घोर मे भराय्‌न तीनु माल-धन लुटीन नी ली जाय सके; जत्‌यार तक तीने बांदी नी देय, अने जत्‌यार बांद देय ता तीना घोर ने लुट लेय।✝3:27 यसाया 49:24,25

28 "मे तमने ह़ाचलीन केम के माणहु ने आखा पाप नी माफी जड़ जहे अने आञे तक कोय भगवान नो वाक काडीन तीनु नामबद्‌दी करहे तीने बी माफी जड़ जहे। 29 ✝3:29 लुका 12:10पण कोय बी चोखली आत्‌मा नो वाक काडहे, तीमने कदी पाप नी माफी नी जड़े; पण तीहया जलम तक पाप ना गुनेगार रेहे।"✝3:29 लुका 12:10 30 ईसु आहयी वात आनी करते केदो काहाके तीहया केता हता के "ईसु मे एक वीटळ्‌ळो भुतड़ो भराय र्‌यो।"