22 अने तत्यारुत एक सोरी आखा पोरणा अगळ नाचवा आयी तीहयी ते हेरोदीयास नी सोरी हती अने तीहयी तां बह रेला आखा ने केदी अने हेरोद राजा ने वारु नाचीन खुस कर देदी। तत्यार राजा हेरोद सोरी ने केदो "तने जे बी जोवे तीहयु मारी पांह मांग, मे तने आप देही।" 23 अने तीहयो आण घालीन केदो, "जे कंय तु मांगही तीहयु आप देही, भले आदु राज मांगे तीहयु लग आप देही।"
24 सोरी बारथी जीन आह़फी नी आय्ह़ हेरोदीयास ने पुछी अया मे ह़ु मांगु? तीहयी केदी "बपतीस्मा आपवा वाळा युहन्ना नु मुंडु मांग ले।"
25 सोरी तत्यारुत पाछी राजान्तां दवड़ीन जी अने केदी "बपतीस्मा आपवा वाळा युहन्ना नु मुंडु हमणे थाळी मे मंगाड़ ले।"
26 सोरी नी वात ह़मळीन राजा ने घणो दुख ते लाग्यो, पण पोरणाम नी अगळ आण घालीन वायदो करलो हतो; एतरे तीहयी सोरी नी वात ने नी टाळ्यो। 27 अने राजा तत्यारुत एक सीपायड़ा ने युहन्ना नु मुंडु वाडीन लाव कीन जेल मे मोकल्यो, 28 तीहयो जेल मे ज्यो अने युहन्ना नु मुंडु वाडीन थाळी मे मेलीन लायो, अने तीहयी सोरी ने आप्यो अने सोरी आय्ह़ ने आप देदी।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)