Cânticos 7

नवरा

1 अवो राजकुमारी,

तोरो पाय जूतिगिन मा कसो साजरो लगा सेत!

तोरी जाघंगिन की गोलायी असा जेवर जसो से,

जेला कोनी चतुर कारीगीर ना बनायो से।

2 तोरी बोमली सुन्दर कटोरी जसी से,

वोना हरामेसा अंगूर को रस लक भरयो हुयो रव्हासे।

तोरो पोट गंहू को बोझा जसो से जेको

चारीआंगन सोसन का फूल रव्हासे।

3 तोरी दूही छाती

हिरनी का जोड़वा लेकरुगिन जसो से।

4 तोरो गरो हाती को दात जसो खम्बा से*7:4 हात्ती दाँत को मिनार सेत। यो साईद सुलैमान लक बनायो हत्ती को दाँत की मीनार होती जोनको बरोबरी करयो जाय रह्यो होती।

तोरा डोरा हेसबोन सहेर का वय कुन्डगिन को जसो से,

जोन बेतरब्बीम को बेसकूड़ जवर से।

तोरी नाक एतरी सुन्दर से जसी लबानोन को खम्बा आय,

जेको टोंड दमिस्क कन से।

5 तोरो डोसका तोरो पर

करमेल परबत जसो सोभा देसे,

अना तोरी डोई का केस लाल बैंगनी

कपरा जसो सेत;

राजा उनला चोयके कैदी भय गयो से।

6 अवो! चहेती अना मनमोहनी कुवारी,

तू केतरी सुन्दर टूरी सेस!

7 तोरो कद खजूर को झाड़ जसो ऊच्चो से,

अना तोरी छाती अंगूर को गुच्छा जसो से।

8 मीना कह्यो, "मी एना खजूर मा

चघके वोकी खंदाली गिनला धरु।"

तोरो छाती अंगूर को गुच्छा सेत।

अना तोरी सांस की महेक सेब गिन जसो से

नवरी

9 तोरो चुम्मा चोखो अंगूर को रस जसो से। यो ओठ लक धिरू-धीरू बोहासे।

10 मी अपरो चहेतो की सेंऊ,

अना वोको मन मोला पान को से।

11 होय मोरी चहेती, आव आमी खेतगिन मा

चली जाबोन अना गांव मा रात बितावाबोन ।

12 मंग पहाट ला उठके अंगूर को बाड़ी मा

जाबोन, अना चोवबिन का वोमा फूल

फुलयो का नही अनार फुलयो का नही

वोमा मी तोला

अपरो पिरेम चोवाहूं।

13 दोदा फर गिन*7:13 फूल को मिठ्ठो सुगंध लक महेक आय रही से,

अना आमरो डेहरी मा लगत पिरकार का

चोखा फर सेती, नवा-जुना सब होय मोरी

चहेती मीना तोरो लायी ठेयोसे।