याकूब को अखट्ट बोल
1 मंग याकूब ना आपरो टूरा गिनला असो सांगके बुलायो का, जमा भयी जाव मी तुम्हिला सांगीन का अखट्ट को दिवस मा तुमरो संग काजक-काजक बितेत।
2 ओ याकूब को टूरागिन जमा होयके
आयको आपरो अजी इसराइल,
को कन कान लगाव।
3 ओ रूबेन मोरो मोठो मोरो ताकत
अखिन मोरो जवानी को पहेलो फर से।
आदर-मान को साजरो हिस्सा
अखिन ताकत को भी
साजरो हिस्सा तू च आस।
4 तू तो पानी को जसो खवलन वालो से,
एकोलाय तू दूसरो लक साजरो लक साजरो नही होहेत।
काहेका तू आपरो अजी को खाट मा चघयो से,
अखिन वोला अपवितर करयो से, उ मोरो बिस्तर मा चघ गयो।
5 सीमोन अखीन लेवी तो भाऊ-भाऊ सेत,
वोको तरवार अत्याचार को हतीयार से।
6 ओ मोरो जान उनको मर्म मा नोको पड़,
ओ मोरो महिमा उनको मोठीसभा मा मत मिल।
काहेका उनना गुस्सा होयके मानूस ला जान लक मारयो से।
अखिन अपरो मनमानी लक बइल ला लगड़ो बना देहेत।
7 हाय से उनको गुस्सा मा जोन लगत तेज होतो।
अखिन उनको गुस्सा ला जोन बेरहम होतो।
उनला याकूब लक बेगरो,
अखिन इसराइल लक काप के तितर-बितर कर देहिन।
8 हे यहूदा तोरो भाऊ तोरो धन्यवाद करहेत,
तोरो हात तोरो बइरी गिनको गरो मा पड़ गयो,
तोरो अजी को टूरा तोला
टोघरा टेकके परनाम करहेत। 9 यहूदा बाघ को टूरा आय,
ओ मोरो टूरा तू जेवन करके गुफा मा गयो से,
उ बाघ अखिन बाघनी को जसो दबक के बस गयो।
मंग कउन वोला छेड़ के जघा सका सेत।
10 सीलो जब तकन नहीं आहेत
तबा तकन ना तो यहूदा को तज करन को छड़ी छुटेत।
ना तो वोको खानदान लक नियम देवन वालो बेगरो नही होहेत।
अखिन राज-राज को लोक हुन वोको अधिन मा भयी जाहेत।
11 उ आपरो जवान गाढव ला अंगूर को बेला मा
अखिन अपरो गढव को बछेरू ला
साजरो जाति के अंगूर को बेला मा बांधो करेत
वोना अपरो कपरा अंगूर को रस मा
अपरो कपरा अंगूर को रस मा धोयो से।
12 वोको डोरा अंगूर को रसलक जादा लाल,
अखीन वोको दाँत दूध जसो चक्काक होहेत।
13 जबूलून सागर को कीनार पर निवास करहेत।
उ जहाज गिनको लाय जहाज घाट को काम देहेत।
अखिन वोको राज को सीव मेन्ड
सीदोन देस तकन होहेत।
14 इस्साकार एक ताकतवर गढव से, जोन मेंढी को कोठा को जनावर मा लगत
बीच मा दुबक के रव्हासेत।
15 वोना एक अराम करन को जघा चोव के आस करयो सेत।
अखिन देस मन ला मोहन वारो से,
तबा वोना अपरो खांद बोझा उचलन को लाय नवायो,
अखिन बेगारी मा दास बन गयो।
16 दान इसराइल को एक कुल होय के
अपरो जात भाऊ गिनको न्याय करहेत।
17 दान रस्ता मा को एक सरप अखिन सड़क को एक नाग होहेत।
जोन घोड़ो को कुरूच ला डसेत
जोन लक वोमा बसन वारो पछाड़ खाय के पड़ जाहेत।
18 हे यहोवा पीरभू मी तोरो कन लक सूटकारा भेटन को लाय
रस्ता चोवतो आयो सेऊ।
19 गाद पर एक दल चघाई तो करहेत,
पर उ मघानी लक उन पर वार करहेत।
20 आसेर लक जोन अनाज पैदा होहेत उ साजरा होहेत,
अखिन उ राजा को लायक सुवाद वालो जेवन जेवाहेत।
21 नप्ताली एक अजाद हुयो हिरन से,
वय साजरो गोस्टी बोला सेत।
22 यूसूफ फर वालो बेला को एक डगाली से,
उ पानी को जवर लगयो से,
फर वालो बेला को एक झाड़ से।
वोको डगाली भीत मा चघके फैल जाहेत।
23 तीर धनुस चलान वालो ना वोको पर वार कियो
अखिन वोको पर तीर मारयो,
अखिन वोला लगत तंगायो।
24 मंग वोको तीर धनुस पक्को रहयो।
अखिन वोको उज्जो हात
याकूब को वोच ताकत वालो
परमेस्वर को हात कन लक फूर्तिलो भयो।
जोनको कठा लक उ चरान वालो आहेत,
जोन इसराइल को चट्टान भी ठैयरायो जाहेत।
25 यो तोरो अजी को वोना परमेस्वर को काम सेत।
जोन तोरो सहायता करेत,
वोना सर्वसक्तीमान
जोन तोला वरता लक बादल मे को आसीस,
अखिन खाल्या लक घिरयो पानी को आसीस,
अखिन छाती को दूध अना गरभ ला आसीस देहेत।
26 तोरो अजी को आसीस, मोरो पितर को आसीस लक लगत बढ़ गयो से।
अखिन सनातन पहाड़ गिन को मनचाहो चीज को जसो बनो रहेत।
वय यूसूफ को डोस्का मा जोन आपरो
भाऊ गिन लक बेगरो कियो गयो होतो,
वोच डोस्का को मुकुट पर फूलेत।
27 बिन्यामीन फाड़न वालो बीघा से,
सक्कारी बेरा ता उ सीकार ला चीरासेत,
अखिन सन्जा ला लूट को माल बाँट लेहेत।
28 इसराइल को बारा गोत योच से अखिन वोको अजी ना जोन- जोन वचन लक उनला आसीरवाद दियो से वो योच से। एक-एक ला वोको सही आसीस जसो वोना दियो होतो।
याकूब को मीरतु अना गाड़नो
29 तबा वोना यो सांगके उनला हुकुम दियो, मी आपरो मरयो आजा-बाबा को संग जायके मिलन वारो सेऊ। एकोलाय मोला हित्ति एपरोन को जमीन वालो गुफा मा मोरो अजी अना आजा-बाबा को संग माती देवने, 30 अखिन वोना गुफा मा जोन कनान देस मा ममरे को समोर वालो मकपेला को जमीन मा से। जोनला अबराहम ना हित्ति एपरोन हो हात मा लक एकोलक लियो का उ खुद को मरघट्टी होहेत। 31 वहाँ उनना अबराहम अखिन वोको बायको सारा ला गाड़न दियो मंग लिआ ला गाड़यो, वहान इसहाक अखीन वोको बायको रिबका ला भी गाड़यो, गयो होतो । 32 उ जमीन अखीन वोको गुफा हित्ति को हात लक लेय लियो होतो। 33 याकूब जब अपरो टूरा गिनला यो हुकुम आयकवायो तबा खाट मा आपरो पाय समेट लियो , अखिन अखट्ट सांस लेके मर गयो।