पैदाइस 36

एसाव को खानदान

1 एसाव जोन एदोम भी कहलावासे ओकी यो खानदनी सूची से। 2 ✝36:2 पैदाइस 26:34एसाव ना ता कनान देस की टुरिगीन लक बिहाव कर लियो। मजे हित्ति एलोन की टूरी आदा ला, अना ओहोलीबामा ला जोन अना की टूरी अखीन हिव्वी सिबोन की नातिन होती। 3 ✝36:3 पैदाइस 28:9 तबा ओना इस्माएल की टूरी बासमत ला भी जोन नबायोत की बहिन होती, बिहाव कर लियो। 4 आदा ना एसाव लक एलीपज ला , अना बासमत ना रूएल ला जलम दियो। 5 अना ओहोलीबामा न यूस, अना यालाम, अखीन कोरह ला पैदा करयो। एसाव को हिच टुरा कनान देस मा पैदा भयो। 6 तबा एसाव अपरी बायको गीन अना टुरा टुरि गीन, अना घर को सब पिरानी अपरी सेरी-मेंढी, गाई-बईल अना सब जनावर गीन, अपरो पूरी जायजाद ला, जोन ओना कनान देस मा हासिल करी होती, लेय के अपरो भाऊ याकूब को जवर लक दूसरो देस मा चली गयो। 7 काहेका उनकी जायजाद इतरो भय गयी होती कि वय संग नही रह्य सकयो, अना उनको संग लगत जनावर होतीन जोन को कारन लक उ देस मा जघा नही बचयो होतो। 8 एसाव जोन एदोम भी कहलावासे, सेईर नाव की पहाड़ी देस मा रव्हन लग्यो। 9 सेईर नाव की पहाड़ी देस मा रव्हन वालो एदोमी गीन को मूल मानूस एसाव को खानदानी सूची यो से। 10 एसाव को टुरा गीनको नाव यो से, मजे एसाव की बायको आदा को टुरा एलीपज, अना वाच एसाव की बायको बासमत को टुरा रूएल। 11 एलीपज को यो टुरा भयो, मजे तेमान, ओमर, सपो, गाताम, अना कनज। 12 एसाव को टुरा एलीपज की तिम्ना नाव की एक रखेल होती, जेना एलीपज को लक अमालेक ला जलम दियो, एसाव की बायको आदा को खानदान मा योच भयो। 13 रूएल को यो टुरा भयो, मजे नहात, जेरह, सम्मा, अना मिज्जा, एसाव की बायको बासमत को खानदान यो च भयो। 14 ओहोलीबामा जो एसाव की बायको अना सिबोन की नातिन अखीन अना की टूरी होती, ओको यो टुरा भयो, मजे वोना एसाव को लक यूस , यालाम अखी कोरह ला जलम दियो। 15 यो एसाव को खानदान को मुखिया भयीन, मजे एसाव को मोठो टुरा एलीपज को खानदान मा लक तेमान, ओमर, सपो, कनज मुखिया, 16 कोरह, गाताम, अमालेक मुखिया : एलीपज को खानदान मा लक , एदोम देस मा योच मुखिया भयो , अखीन योच आदा को खानदान मा भयो। 17 एसाव को टुरा रूएल को खानदान यो च भयो, ; मजे नहात, जेरह, सम्मा, मिज्जा, रूएल को खानदान मा लक , एदोम देस मा लक योच मुखिया भयो, अना योच एसाव की बायको बासमत को खानदान मा भयो। 18 एसाव की बायको ओहोलीबामा को खानदान मा योच भयो, मजे यूस, यालाम, कोरह, अखीन अना की टूरी ओहोलीबामा जो एसाव की बायको होती ओको खानदान मा योच मुखिया भयो। 19 एसाव जो एदोम भी कहलावासे, वोको खानदान यो च से अना उनको मुखिया भी योच भयो।

सेईर को खानदान

20 सेईर जोन होरी नाव की जाति को होतो, ओको च टुरा एदोम देस मा पहिले लक रव्हत होतो, लोतान, सोबाल, सिबोन, अना, 21 दीसोन, एसेर, अखीन दीसान, एदोम देस सेईर को योच होरी जाति को मुखिया भयो। 22 लोतान को टुरा, होरी अना हेमान भयो, अना लोतान की बहिन तिम्ना होती। 23 सोबाल को योच टुरा भयो, आल्वान, मानहत, एबाल, सपो, अखीन ओनाम। 24 सिदोन को योच टुरा भयो, अय्या, अखीन अना, या वाच अना आय, जोनला जंगल मा अपरो अजी सिबोन को गढव ला चराते- चराते तातो पानी को झरना मिल्यो होतो। 25 अना को दीसोन नाव को टुरा भयो, अखीन वाच अना ला ओहोलीबामा नाव की टूरी भयी। 26 दीसोन को यो च टुरा भयो, हेमदान, एस्बान, यितरान , अखीन करान। 27 एसेर को यो टुरा भयो, बिल्हान, जाबान, अना अकान। 28 दीसान को योच टुरा भयो, ऊस, अखीन अरान। 29 होरी जाति को मुखिया योच भयीन, लोतान, सोबाल, सिबोन, अखीन, अना मुखिया, 30 दीसोन, एसेर, दीसान, सेईर देस मा होरी जाति को योच मुखिया भयो।

एदोम को राजा

31 तबा जब इसराइल गिन पर कोनी राजा राज नहीं करयो होतो, तबा भी एदोम को देस मा यो राजा भयो, 32 बोर को टुरा बेला न एदोम मा राज करयो, अखीन ओकी नगर राजधानी को नाव दिन्हाबा से। 33 बेला को मरनो पर, बोसरा नगर को रव्हन वालो जेरह को टुरा योबाब ओकी जघा पर राजा भयो। 34 योबाब को मरनो पर तेमानी जाति को देस को निवासी हूसाम ओकी जघा पर राजा भयो। 35 तबा हूसाम को मरनो पर बदद को टुरा हदद ओकी जघा पर राजा भयो, यो वोच आय जेन मिद्यान जाति ला मोआब को देस मा मार लियो, अखीन ओकी राजधानी को नाव अबीत नगर से। 36 हदद को मरनो पर मरसेका नगर को निवासी समला ओकी जघा पर राजा भयो। 37 तबा समला को मरनो पर साऊल जो महानदी को तट वालो रहोबोत नगर को होतो ऊ ओको जघा पर राजा भयो। 38 साऊल को मरनो पर अकबोर को टुरा बाल्हानान ओकी जघा पर राजा भयो। 39 अकबोर को टुरा बाल्हानान को मरनो पर हदर ओकी जघा मा राजा भयो, अना ओकी राजधानी को नाव पाऊ नगर से, अखीन वोको बायको को नाव महेतबेल से, जोन मेजाहब की नातिन अना मतरेद की टूरी होती। 40 एसाव को खानदान को मुखिया को कुल गिन अखीन जघा को अनुसार उनको नाव यो सेत, तिम्ना , अल्बा, यतेत मुखिया, 41 ओहोलीबामा, एला, पीनोन मुखिया, 42 कनज, तेमान, मिबसार मुखिया, 43 मग्दीएल, ईराम, एदोम खानदान ना जोन देस अपरो कर लियो होतो, ओकी निवास की जघा मा उनको योच मुखिया भयो, एदोम जाति को मूल मानूस एसाव से।