नूह को टूरा हुनको खानदान
(1 इतिहास 1:5-23)
1 नूह को टूरा सेम, हाम अखीन याफत होतो, उनको टूरा पानी परलय को मघानी पैदा भयो उनको खानदान यो आय।
2 याफत को टूरा गोमेर, मागोग, मादै, यावान, तूबल, मेसेक अना तीरास भयो। 3 अना गोमेर को टूरा अस्कनज, रीपत अना तोगमार भयो। 4 अना यावान को खानदान मा एलीसा अना तरसीस, कित्ती, अना दोदानी लोक भयो। 5 यो उन लोक हुनको पुरखा होतीन जोन सागर को किनार मा दीप अना देस मा रव्हत होतिन , अना वय आपरो कूल को अनुसार बट गयीन। यो सब याफत को खानदान होतीन।
6 तबा हाम को टूरा, कूस, मिसर, पूत अना कनान भयो। 7 अना कूस को टूरा सबा, हवीला, सबता, रामाह, अना सब्तका भयो। अना रामाह को टूरा सेबा अना ददान भयो। 8 कूस को खानदान मा निमरोद भी भयो, जोन धरती पर पहेलो महान ताकतवर जीतनवारो होतो। 9 उ परमेस्वर को नजर मा महान सीकारी होतो, एकोलाय वोको बारे मा यो जाहीर अहाना से, "परमेस्वर को नजर मा निमरोद को जसो महान सीकारी।" 10 ओको राज की सुरूवात सीनार देस मा बेबीलोन, एरेख, अक्कद, अना कलने तकन भयो। 11 निमरोद वोना देस लक हीटके अस्सुर ला गयो, अना नीनवे, रहोबोत अना कालह नाव को गाँव ला बसाईस। 12 ओना रेसेन नगर ला भी बसायो जोन नीनवे अखीन कालह को बीचमा वा महानगर से। 13 मिसर को खानदान मा लूदी, अनामी, लहाबी, नप्तूही, 14 पतरुसी अखिन कसलूही, अखीन कप्तोरी लक पलिस्ती हीटयो।
15 कनान ना आपरो पहेलोठा टूरा सीदोन अना वोको मघानी हित्त, 16 यबूसी, एमोरी, गिरगसी, 17 हिव्वी, अरकी, सीनी, 18 अवरदि, समारी, अखीन हमाती लोग भी भयो, तबा कनानी गीनको बंस भी फैल गयो। 19 अना कनानी गीनको सीवमेंढ सीदोन लक गरार को रस्ता लक गाजा तकन अना सदोम गोमेरा अदमा अना सबोयीम को लसा तकन होतो। 20 हाम को खानदान योच भयीन, अना यो दूसरो-दूसरो कुलगीन, भासा अना रास्ट को अनुसार बेगरो भयी गईन।
सेम को खानदान
21 तबा सेम, जोन सब एबेर वंसी गीनको, मूल मानूस भयो। अना ऊ याफत को मोठो भाऊ होतो, ओको भी टूरा पैदा भयो। 22 सेम को टूरा, एलाम, अस्सुर अपरछद , लूद अना अराम भयो 23 अराम को टूरा ऊस, हूल, गेतेर अना मस भयो। 24 अना अपरछद ना सेलह ला अना सेलह ना एबेर ला जलम दियो। 25 अना एबेर को दूई टूरा पैदा भयो, एक को नाम पेलेग यो कारन लक रख्यो गयो कि ओको बेरामा धरती बट गयी, अना ओको भाऊ को नाव योक्तान होतो। 26 अना योक्तान ना अल्मोदाद, सेलेप, हसमारवेत, येरह, 27 हदोराम, ऊजाल, दिक्ला, 28 ओबाल, अबीमाएल, सेबा 29 ओपीर, हवीला, अखीन योबाब ला जलम दियो , योच सब योक्तान को टूरा होतिन। 30 इनको रव्हन की जघा मेसा लक सपारा, जोन दिन उगती दिसा मा एक पहाड़ी परदेस लक, ओकी रस्ता तकन भयो। 31 सेम को टूरा योच भयो, अखीन यो दूसरो-दूसरो बंस गीन, भासागीन देस अखिन रास्ट गिनको अनुसार बेगरो-बेगरो भय गयो।
32 नूह को टूरा को घराना योच आय अखिन उनको रास्ट गिनको अनुसार उनको खानदान योच से। अखीन जल परलय को मघानी धरती भर को रास्ट इनको च मा लक होय के बट गयीन।