याकूब को एसाव लक मिलनो
1 याकूब न डोरा उठाय के यो चोवयो, का एसाव चार सौ मानूस ला संग लियो हुयो आय रह्यो से। तबा ओना लेकरा गीनला बेगरो बाट के लिआ अना, राहेल अना दूई दासी गीनला उनको लेकरा सोप दियो। 2 अना ओना सब लक पूढा दुई दासी अना उनको लेकरा, मघा लिआ को अना वोको लेकरा, अना सब लक मघानी राहेल को लेकरा यूसूफ ऊभो होतो। 3 अना याकूब खुदच उन सब को पूढा-पूढा गयो जब तकन उ अपरो भाऊ को जवर नहीं पहुंच गयो, तबा तकन ऊ जमीन मा नव के सात बार परनाम करयो। 4 तबा एसाव ओको लक भेंट करन को लाय धायो, अना ओना याकूब ला दिल लक लगाय के वोको गरो धर के रोवन लगीस अना वोको चुम्मा लियो। 5 तबा एसाव न डोरा उठाय के आईमाई अना लेकरा गीनला चोवयो, अना पूसीस, यो जोन तोरो संग सेत कवन सेत?याकूब ना कह्यो, योच तोरो दास को लेकरा सेत, जोनला परमेस्वर ना किरपा कर के दियो सेत। 6 तबा दासी गीन अना उनको लेकरा जवर आय के नव के एसाव ला परनाम करीन। 7 असो परकार लक लिआ अना ओको लेकरा गीन जवर आयो अना उन ना झुक के एसाव ला परनाम करीन। अना आखरी मा यूसूफ अना राहेल ना भी जवर आय के परनाम करीन। 8 तबा एसाव ना पूसीस "तोरो यो मोठो करप मोला भेटयो एको काजक मतलब से?" याकूब न कह्यो, मालीक "यो मोरो तुम्हि ला भेट से जेको लक मोला सुवीकार करन को किरपा करो।" 9 एसाव न कह्यो, "ओ भाऊ मोरो जवर लगत सेत, जोन काही तोरो से वा तोरोच रव्हे।" 10 तबा याकूब न कह्यो, "नोको-नोको, यदि तोरो किरपा मोरो पर से ता मोरी भेट लेले। काहेका मी तोरो दरसन करयो सेव ता असो लगासेत जसो परमेस्वर को दरसन कर लियो सेऊ। अना तू मोरो लक खूस सेत। 11 एकोलायी यो भेंट जो तोला धाड़यो सेऊ वोला लेले। काहेका परमेस्वर ना मोरो पर किरपा करयो से अना मोरो जवर लगत से।" याकुब ना लगत लालाकुती करयो तबा एसाव ना भेटला सुवीकार करयो। 12 तबा एसाव न कह्यो, "आव, अमी जाबीन अना मी तोरो पूढा-पूढा चलू" 13 याकूब न कह्यो, "ओ मोरो मालीक तू जाना से का मोरो लेकरा कमजोर सेत। अना मोरो संग दूध देवन वाली सेरी- मेंढी अना गाई से जेनको देख भाल मोला करनो पड़ा से, यदी मी इनला एक दिवस भी जादा चलाहु ता यो सब करप मर जाहेत। 14 एकोलायी मोरो मालीक अपरो दास को पूढा बढ़ जाये, अना मी यो जनावर गीनको चाल को अनुसार जोन मोरो पूढा से, लोक अना लेकरा गीनको चाल को अनुसार धीरू-धीरू पूढा चल के सेईर नगर मा अपरो मालीक को जवर पहुंचू।" 15 एसाव न कह्यो, "ता मी अपरो संगी गिन लक काही ला तोरो संग सोड़ देसू।" तबा याकूब न कह्यो, "येकी का जरूरत से? इतरो च लगत से का मोरो मालीक को किरपा को नजर मोरो पर रव्हे।" 16 तबा एसाव आपरो लोक हुन को संग वोच दिवस सेईर नगर चली गयो। 17 पर याकूब उता लक हीट के सुक्कोथ33:17 झोपड़ा को घर नगर मा गयो, अना उता आपरो लाय एक घर, अना जनावर गीन को लाय एक कोठा बनायो। योच कारन वोना जघा को नाव सुक्कोत पड़यो। 18 याकूब पद्दनराम परदेस लक हीटके कनान देस को सेकेम नगर को जवर साजरो लक पहुंच के वोना नगर को जवर तम्बू खड़ो करयो। 19 33:19 यहोसु 24:32; योहन 4:5अना जोन जमीन पर याकूब न तम्बू खड़ो करयो, ओला वोना सकेम को अजी हमोर को टुरा गीनको हात लक एक सौ चांदी को सिक्का मा लेय लियो। 20 उत याकूब न एक वेदी बनाय के ओको परमेस्वर को नाव एल-एलोहे-इसराइल33:20 इसराइल को परमेस्वर रख्यो