Daniel 10

दानियल ला हिद्देकेल नद्दि को किनार मा दरसन भेटयो

1 फारस देस के राजा कुस्रू को राज्य को तीसरे साल मा दानिय्येल पर, जो बेलतसस्‍सर भी कहलावासे। एक गोस्टि परगट कियो गयो वा गोस्टि सही होतो पर समजन लायी मोठो दिक्कत होहेत, वोना यो गोस्टि ला जान लियो, अना वोको यो चोयो हुयो गोस्टि समज मा आ गयी। 2 वोना बेरा मा मी दानिय्येल, तीन हफ्ता तकन दुख करत रहयो। 3 ऊ तीन हफ्ता को पुरा होय जावन तकन, मी ना सजरो जेवन नहि करयो अना अंगूररस नही पियो, आपरो तनमा तेल-फूल भी नहि लगायो। 4 मंग पहेलो महीना को चौबीसवा दिवस मा जबा मी हिदकैल*10:4 मजे वोको इरानी नाव दजला टिगरस से नाव कि नद्दी को किनारे मा होतो। 5 तबा मीना डोंरा ला वोरता करके चोयो, का सन को कपरा घाल्यो अना कम्मर मा ऊफाज देस को निटवल सोन्नो को पट्टा बाधियो हुयो एक मानूस उभो होतो।✝10:5 परकासित वाक्य 1:13 6 वोको तन गहेना ✝10:6 परकासित वाक्य 1:14 अना किमती गोटा जसो चमकत होतो। वोको तेज बिजरी को जसो डोंरा जलतो हुयो टवरी को जसो, वोको हात अना पाय चमकतो हुयो पीतर को जसो अना आवाज गरजतो हुयो लगत सो भीड़ को जसी होति।✝10:6 परकासित वाक्य 7 बल्कि मी च दानिय्येल ना दरसन चोयो, अखिन मोरा संगी गिनना काहि नहि चोयिन। पर वय लगत थरथरावन लगीन, अना लुकन लाय पराय गयिन। 8 तबा मी एकलो च यो अदभूत दरसन ला चोयो, वोको बाद मा मोरो भितर काहि ताकत नहि रहयी, मी डराय गयो अना मोरो चहेरा कोनी ला पहेचान नही आवत होतो।

9 तबा भी मीना ऊ मानूस को सबद ला आयकियो अना टोन्ड को बल पड़ गयो मी धरती मा अवधो पड़यो रहयो।

10 मंग कोन्हि ना हात लक मोरो तन ला छियो,अना मोला टोगंरा को बल मा उभो कर दियो वय काँपत होतिन। 11 तबा वोना मोरो लक कह्यो "ओ दानिय्येल, तू पिरभु को लगत चहेतो आस, मोरो लगत चहेतो मानूस! जोन बचन मी तोरो लक कव्हसेउ वोला समज लेय, अना सीद्दो उभो होय जाय, काहेका मी तोरो जवर धाड़यो गयो सेउ, वा मोला असो कव्ह च रहयो होतो पर मी थरथराय काप रहयो होतो।" 12 मंग वोना मोरो लक कह्यो, "ओ दानिय्येल, मत भेव खाय! काहेका पहेलो च दिवस मा समजन को लाय तुना आपरो हिरदय ला लगायो से अना आपरो आप ला परमेस्वर को पुढो लहान करयो, वोच दिवस तोरी गोस्टि ला आयको गयो। मी तोरो पिराथना को जबाब को लाय आयो सेऊ"।✝10:12 12:1 13 फारस को राज्‍य का परधान इक्कीस दिवस तकन मोरो लक रोको रह्यो, तबा मीकाएल जोन परमुख सरगदूत से वा मोरो सायता करन आयो। मी वोला फारस देस को दूत को संग बिवाद करत सोड़ के आयो सेऊ। 14 अबा मी तोरो जवर तोला वा गोस्टि समजान आयो सेऊ जोन आवन वालो बेरा मा तोरो लोगहुन को संग घटन वालो से। वा सपन एक आवन वालो बेरा को बारे मा से। 15 जबा वोय मानूस मोरो संग असी गोस्टी करत होतो ता मी मान धरती को कना नवाय के उगोमुघो रहयो। 16 तबा मानूस को सन्‍तान जसो कोनी ना मोरो ओठ ला छिय दियो, अना मी टोन्ड लक बोलन लगयो। अना मोरो मोहोरा जोन उभयो होतो वोला मी कह्यो, "ओ मोरो मालीक! मी ना दरसन मा जोन काही चोयो सेऊ, वोको लक मी बियाकुल सेऊ। अना मोरो मा काहि ताकत नहात।✝10:16 यिर्मयाह 1:9 17 एकोलाय पिरभू को सेवक आपरो पिरभू को संग कसी गोस्टी कर सकासेत? काहेका मोरो तनमा ना ताकत से ना काही सांस बचयो से।" 18 तबा मानूस को जसो दिसन वालो ना मोला छियो, तबा मोला साजरो लगन लगयो। 19 अखिन वोना मोला कह्यो, दानिय्येल नोको डराव! परमेस्वर तोरो लक लगत माया करासे। तोला सांती मिल्हे, तू मन पक्को कर अना हिम्मत बान्ध। जबा वोना असो कह्यो तबा मोला ताकत आयो मंग मीना कह्यो ओ मालीक तूना मोला ताकत दियो से, अता अबा सांग। 20 तबा वोना कह्यो का तोला मालूम से मी काहे तोरो जवर आयो सेऊ? अबा मी फारस को परधान सरगदूत लक विवाद करन को लाय लवट जाहू। अना जबा मी हिटु तबा यूनान को परधान आहेत। 21 पर जोन काहि सही किताब मा लिख्यो हुयो लक भरयो हुयो से, वो मी तोला सांगू। वोना इसराइल को रखवारो सरगदूत मीकाएल को सिवाय कोनी मोरो वोको सामना नही कर सकत।