Daniel 9

दानिय्येल को आपरो लोखगिन को लाय पिराथना करनो

1 दारा मादी, जोन समराट छयरस*9:1 अहसवेरोस को टूरा को टुरा होतो, उ बेबीलोनिया राज मा सासन करत होतो। 2 वोको राज को बेरा को पहेलो साल मा मी दानिय्येल ना पवितर सास्तर लक समज लियो कि परमेस्वर को गिंरथ मा लिखयो यिरमियाह को भविस्यवानी को अनुसार जोन बेरा यरूसलेम नगर बिरान पडयो रहेत, वोको गिनती सत्तर साल को बाद पूरो भयि जाहेत।✝9:2 यिर्मयाह 25:11-12

3 "तब मी आपरो मालीक परमेस्वर को कन आपरो टोन्ड करके मीना पस्ताप करन को लाय बोरा ला घाल के आपरो डोका मा राखड़ भूरका लियो, अना मि उपासी रह्यो अना बिनती मागन लग्यो।" 4 मी ना परमेस्वर पिरभू लक आपरो पाप ला मान लियो अखीन असो परकार लक पिराथना करन लगयो, "ओ मालीक तू महान अखीन भेव मानन काबील दयालू परमेस्वर आस, जोन तोरो लक माया करासेत, अखीन तोरो हुकुम ला मानासेत उनपर तू करूना करासेत। अखीन आपरो करार ला पूरो करासेत। 5 अमीना पाप अना खोटो काम करयो अखीन तोरो बिरोध मा खराब बरताव करयो, तोरो हुकुम ला तोड़ के तोरो लक बिदरोह करयो से।✝9:5 1 राजा 8:47; नहूम 3:8-9 " 6 अमीना तोरो सेवक अखीन भविस्यवक्ता गिनको खबर नही आयकयो, उनना आमरो राजा गिन सासक अखीन आमरो पिराचीन अखीन आजा-बाबा सब राज को परजा को समोर तोरो खबर ला आयकवायो होतो। 7 ओ मालीक! सिरप तूच नियाव करन वालो आस! आमरो मान सरम लक नवयो हुयो से। अज अमी यहूदा परदेस को रव्हनवालो, यरूसलेम नगर को रव्हन वालो, सब दूहुर-जवर को इसराइली राज को लोख को दगाबाजी को कारन लक उनला बगरा दियो सेस अना उनला वोना देसमा लजानो पड़ासेत। 8 ओ यहोवा अमीना आपरो राजा गीन अधिकारी हाकीम गीन अना आजाबाबा समेत बेसरमी लक बरताव अना पाप कियो सेजन। 9 पर ओ मालिक आमरो परमेस्वर! सिरप तूच दयालू अना छिमा करन वालो आस। बलकी अमीना तोरो संग बिदरोह अना बिरोध करयो सेजन। 10 अखीन अमी आपरो परमेस्वर को न्यायीपन को कानून को अनुसार बरताव नही करयो सेजन। जोन तूना आपरो सेवक भविस्यवक्ता गिनको कन लक आमरो समोर ठेयो होतो उनला नही मानयो। ✝9:10 2 राजा 18:12 11 सब इसराइल मानूस ना ओ परमेस्वर तोरो गोस्टि आयकनो लक इन्कार कर दियो, उनना तोरो करार ला तोड़ दियो, अखीन तोरो कन लक आपरो टोन्ड ला मुरक लियो योच कारन लक जोन सिराप अखीन नेम तोरो सेवक मोसे कि किताब मा लिखयो हुयो सराप से, वय आमरो पर बरसन लगयो। काहेका अमीना तोरोच बिरोध मा पाप कियो होतो।✝9:11 नेम को किताब 27:15-26 12 तुम्हिना आमरो पर लगत आफद लाय के आमरो अना आमरो सासक गिन को बिरोध मा कह्यो बचन पूरो कियो, अना सबरी धरती मा असो आफद अखीन कही नही पड़यो जसी आफद यरूसलेम पर पड़यो। 13 मोसे को विधि मा लिखयो सप्पा आफद आमरो पर पड़यो तबा भी अमीना आपरो परमेस्वर को सच्चाई को अनुसरन करन को अक्कल लक कोसीस नही करयत। अखीन अमी आपरो खोटो बरताव ला सोड़ के तोरो सच्चो बचन आयकन को लाय तैय्यार नही भयो। 14 यो कारन लक यहोवा ना सोच बिचार के*9:14 मूल में, जाग-जागकर आमरो पर आफद डाकयो से, काहेकि आमरो परमेस्वर यहोवा जितरो काम करासेत, उन सबरी मा नेक ठयरावासेत। पर अमीना वोको नही आयकयो।

15 "ओ मालिक आमरो परमेस्वर तूना आपरो ताकत लक आपरो निजी लोख गिनला मिसर देस को गुलामी लक सोड़ायो होतो। अखीन असो परकार लक तूना आपरो नाव ला महान करयो होतो। जसो अज को बेरा मा से, पिरभू अमीना पाप अना खोटो बरताव करयो सेजन। 16 ओ पिरभू! यरूसलेम नगर पर हिजड़नो सोड़ दे। यरूसलेम तोरो पवितर पहाड़ गिनमा से। तू जोन करासे वा साजरा च से। पर अबा यरूसलेम पर हिजड़नो सोड़ दे। आमरो आखा-पाखा को लोख आमरो बेइज्जती करासेत। अना आमरो मजाक उड़ावा सेत। आमरो आजा-बाबा गिनना तोरो बिरोध मा पाप कियो होतो। यो सब काही एकोलाय होवासेत।" 17 "अता, ओ पिरभू! तू आपरो दास को पिराथना अना बिनती ला आयक ले, अखीन आपरो मन्दीर ला जोन नास भयी गयो से, वोला दुबारा बना, जोन लक सब जान सकेत का तूच परमेस्वर आस। 18 ओ मोरो परमेस्वर! मोरो कन कान लगाय के मोरो बिनती आयक जरा आपरो डोरा उघाड़, अखीन आमरो संग जोन भयानक गोस्टि घटयो से उनला चोव। वा नगर जोन तोरो नाव लक पुकारो जावत होतो, चोव वोको दसा कसो भय गयो सेत। मी असो नही कव्हसू का अमी साजरो काम करा सेजन, पर एको लाय मी अरज करासू का मी जानासू का तू दयाकरन वारो आस। 19 ओ मालीक आमरो पिराथना ला आयक! ओ पिरभू आमरो पाप ला छिमा कर । ओ परमेस्वर आमरो पर धियान दे। ओ मालीक! आपरो महीमा को लाय उसीर नोको कर, काहेका तोरो नगर अखीन तोरो खुद को लोख तोरोच नाव लक हाकलयो जावासेत।"

गिबराइल को भविस्यवानी ला समजानो

20 मी परमेस्वर लक असो परकार लक दया लगाऊ गोस्टी करतो रह्यो होतो। मी इसराइली को लोख हुन को अखीन आपरो पाप ला सुवीकार करत होतो। जब मी आपरो पिरभू परमेस्वर को समोर वोको पवितर मन्दीर को लाय अरज करत होतो। 21 जबा मी पिराथना कर रह्यो होतो तबा जिबरायील दूत जोनला पहेले लक दरसन मा मी चोयो होतो, सन्जा को बली को बेरा लगत तेज मोरि जवर आयो।✝9:21 लूका 1:19-26 22 वोना मोरो लक कह्यो ओ दानिय्येल! मी तोला अक्कल अना भवीस्यवानी को गोस्टि को समज देवन ला आयो सेऊ। 23 तूना जब परमेस्वर लक बिनती करनो चालू कियो होतो तबा वोना जवाब दियो उ तोरो लक पिरेम करासेत, एकोलाय मी यो जवाब सांगन आयो सेउ। अबा जबा मी दरसन को अरथ समजावासू तो पूरो धियान दे।

24 "परमेस्वर ना तोरो लोख अना तोरो सहेर ला पाप अना बुराई लक सुड़आन को लाय सात गूना सत्तर साल को बेरा पक्को करयो से, पाप छिमा कियो जाहे अना हरामेसा को लाय नियाव स्थापित होहेत। जोनलक दरसन अना भविस्यवानी सच भयी जाय अना पवितर मन्दीर को दुबारा उदघाटन कियो जाहेत।" 25 दानिएल, एकोलाय यो समज अना अक्कलवर बन ले, कि यरूसलेम ला मंग बसान को हुकुम हिटन लक लेयके अभिसिक्‍त*9:25 या मसीह परधान को बेरा तकन सात गूना सत्तर साल बितेत, मंग सात गूना बासठ साल को बीतनो पर चवक अना खाई समेत उ नगर दुख को बेरा मा मंग बसायो जाहेत। 26 सात गूना बासठ साल को बादमा एक दूसरो परमेस्वर को निवाड़ो गयो परधान अनियाव लक मारो जाहेत अखीन वोको हातमा काही नही होहेत। एक नेता आहेत अना वोको सेना नगर ला नास कर देहेत। अना पवितर जघा ला नास कर देहेत। अना वोको आखीर पूरा को पानी जसो होहेत। अखीन आखीर तकन लड़ाई होतो रहेत काहेका वोको नास ठयरा दियो गयो से।

27 "अखीन उ परधान लगत लोख गिनको संग मेल करहेत । यो मेल को बेरा सात साल तकन होहेत। एको अरधो बेरा बितनो पर परधान विधान को अनुसार जनावर बली अना अनाज बली चघावनो बंद करवा देहेत, अना उ मन्दीर मा घिरना वालो चीज मन्दीर को वरता जघा मा राखयो जाहेत, अना वा जब तकन बनयो रहेत, जबा तकन का वोको बसान वालो को नास नही भयी जाहेत। जोन ला परमेस्वर ना वोको लाय राखो सेत"।✝9:27 मत्ती 24:15; दानिय्येल 11:31; मरकुस 13:14