1 मुरख गलातियो, कोन ना तुमला मोह लेईस? तुमरी डोरा को पुढ़ा यीसु मसीह ता साजरो तरिको लक कूरूस मा चघायो हुयो दिसायो गयो होतो। 2 मि तुमी लक केवल एतरोच जानन चाव्हसु की तुमना आतमा ला का मोसे को नियम को काम लक पाइसेव, या भरोसा लक साजरो बारता ला आयकन लक? 3 का तुमी एतरो मुरख सेव की आतमा की रिती लक सुरू करके अता आँग की रिती पर सारहो? 4 का तुमी ना एतरो आफद अकारत ही उचलीयत? का वय खरो मा अकारत होतीन? 5 जोन तुमला आतमा देवासे अना तुममा अचंभा को काम करासे, उ का एकोसाठी करासे की तुमना मोसे को नियम को काम करयत या एकोसाठी की तुमना साजरो बारता पर भरोसा करयात?

6 ऐना रिती लक अबराहम ना परमेस्वर पर *3:6 विस्वास मा बिस्वास करीस , अना यो वोको लाय नेकी गिनयो गयो। 7 अता यो जान लेव की भरोसा करनवारा च अबराहम की सँतान*3:7 खानदान सेत। 8 अना पवितर गिरंथ ना पयले लक यो जानके की परमेस्वर गैरयहूदी ला भरोसा लक नेक ठहरायो जाहे, पुढ़ा च लक अबराहम ला साजरो बारता आयकवाय देइस: "की सप्पा लोक गीन तोरो मा किरपा*3:8आसीस पाहेति।" 9 एकोसाठी जोन बिस्वास करसेति, वय बिस्वासी अबराहम को संगा आसीस पाहेति।

10 एकोसाठी जो लोक मोसे को नियम को काम पर भरोसा राखासेति, वय सबच सिराप को कब्जा मा सेत, काहेकि लिखीसे, "जोन कोनी मोसे को नियम को किताब मा लिखयो सबच हुकूम को पालन नही करा, उ सिरापित*3:10 दोसी से।" 11 एकोसाठी यो गोस्टी खुलो से की मोसे को नियम को काम कन लक परमेस्वर को नजर मा कोनी न्यायी ठहरायो नही जाहे, काहेकि नेक मानूस भरोसा *3:11विस्वास लक जित्तो रव्हसे। 12 पर भरोसा को मोसे को नियम को काम लक कोनी नाता नहाय। पर "जोन ओको गोस्टीहुन को पालन करेत उ उनको काजी जित्तो*3:12 जीवन पायेगा रहेत।"

13 मसीह ना हमला आन के मोसे को नियम को काम को सिराप लक छुड़ायीस अना खुदच आमरो साठी सिरापित बन गयो, काहेकि लिखीसे, "जोन कोनी लकड़ी को कूरूस मा लटकायो जावसे उ सिरापित *3:13 दोसी से।" 14 यो एकोसाठी भयो की अबराहम को आसिरवाद यीसु मसीह मा परजात तकन पहुचे अना आमी भरोसा को कन लक ओना आतमा ला पावबिन, जोको परन कियो गयी से।

15 भाऊ गीन, मि मानूस की रिती पर कव्हसू मानूस को वायदा भी जबा एक बार पक्को भय जावसे तो ओला कोनी रध्द नही करासे अना ना ओमा काही जोड़से। 16 ऐना रीती लक परन अबराहम अना ओको खानदान*3:16 सँतान लक कियो गयो होतो। पवितर गिरंथ नही कव्हसे, अना उनको खानदान गीन लक, "जसो की लगतगीन ला ईसारा, पर उनको खानदान ला, मान लेव तोरो खानदान लकच" जोन मसीह से। 17 मोरो कव्हनो यो से जोन लिखयो लेख कन लक परमेस्वर पक्को कियो जाय चुकी से ओला चार सी तीस बरस मंघा होवन वालो मोसे को नियम को काम रध्द नही कर सकसे अना न ओको किरिया*3:17वायदा ला बेकार बनाय सकसे। 18 अदी मोसे को नियम को जरिया लक वारिसपन सुपरुत कर दियो जातो, तो परन लक ओको कोनी नातो नही पर वायदा कन लक ही परमेस्वर ना ओला अबराहम ला देवन को दया करीसेस।

19 तबा मोसे को नियम को काम को का मकसद से? जेने खानदान की परन दियो गई होती, ओको आवन को बेरा तकन नियम जुल्म को काजी जोड़ देई गई होती। उ सरगदूत गीन कन लक बिचवई को जरिया लक ठहरायो गयी से। 20 बिचवई को काम दुई को बीच मा कियो जावसे; पर परमेस्वर एक से।

21 ता का मोसे को नियम को काम अना परमेस्वर को परन मा विरोध से? कबच नहि। अदी असो कानुन की मुनादी भई होती, जोन जीवन देवनो मा होती, तो मोसे को नियम ला पालन लक ही मानूस नेक ठहरतो। 22 पर पवितर गिरंथ ना सबच काही पाप को ताकत को कब्जा मा बँदी बनाय देइसेस, जोन लक यीसु मसीह मा कन लक भरोसा करनवारा भरोसा को साठी परन पूरो कियो जाय।

23 पर भरोसा को आवन को पुढ़ा आमी मोसे को नियम संग मा बंदी होता, अना भरोसा को आवन पर आमी ओको कब्जा मा रहया। 24 ऐना रिती लक मसीह तकन पहुचन को साठी मोसे को नियम आमरो रखवारी करत होती। जोन भरोसा लक आमी लक न्यायी ठहरायो जावबिन। 25 पर भरोसा आवनो लक आमी रखवालो का कब्जा मा नही रहया।

26 काहे की तुमी सप्पा को सप्पा यीसु मसीह मा भरोसा करन को काजी परमेस्वर की संतान सेव। 27 काहेकि जितरो लोकगीन न मसीह को बप्तिस्मा ले लेइसेत, उनना मसिहा ला धारन कर लेइसेत। 28 अब न कोनी यहूदिगीन सेत अना न कोनी यूनानी, न कोनी दास से अना न कोनी अजाद, न कोनी मरदमाना से, न कोनी आई-माई। तुमी सप्पा यीसु मसीह मा एक भई गया सेव। 29 अदी तुमी लोक मसीह का सेव, तो अबराहम का खानदान सेव अना परन को वारिसदार*3:29हक रखने वालो भी सेव।