Lucas 4

यीसु को परिक्सा

1 यीसु पवीतर आतमा लक पूरो भरके ना, यरदन नदी लक लवटयो। तबा आतमा वोला सूनसान मा लेगइस। 2 वोना जघा बालजबूल*4:2सैतान चालीस दिवस तकन वोको परीक्सा लेवत रहयो। यीसु उन दिवस मा काही नही जेविस, जबा चालीस दिवस बीत गयो, तबा वोला गजब भूख लग्यो।

3 बालजबूल ना वोला सांग्यो, "यदी तु परमेस्वर को टूरा आस, तो यो गोटा ला हुकूम देव, का यो भाकर बन जाहेत।"

4 पर यीसु ना जवाब देइस। "गिरंथ मा लिखीसे। मानूस भाकर लक नही, पर परमेस्वर को गोस्टी लक जित्तो रहेत।"

5 मंग बालजबूल वोला, वरता उठायके ना ले गईस, अखीन पलभर मा जग को राज चोवाइस। 6 अखीन बालजबूल ना वोला कहीस, "मी तोला यो सबच राज अना महिमा देदेहू। यो मोरो अधिकार मा से, मि जोनला चाँहू ओला दे सकासू। 7 यदी तू मोरो पाँय पड़जोस अना नमस्कार करजोस, ता यो सबा तोला देदेहू।"

8 तबा यीसु ना जवाब देइस, "गिरंथ मा लिखीसे, तू आपरो पिरभू परमेस्वर ला नमस्कार *4:8 पिराथना करजो, अखीन वोको च सेवा*4:8 महिमा करजो।"

9 तबा बालजबूल ना, वोला येरुसलेम नगर, को मंदिर को छेन्डी मा, उभो करयो। अखीन कव्हयो," यदि तू परमेस्वर को टूरा से, तो खाल्या कूद जाय। 10 काहेका गिरंथ मा लिखीसे, तोरो लाय परमेस्वर आपरो सरगदूत ला हुकूम देहेत, अखीन वो तोला बचाहेत। 11 कही तोरो पाँय मा खोद्दा, नोको लग जाय।"

12 यीसु ना जवाब देइस, "यो लिखी से, तू आपरो पिरभू परमेस्वर को परिक्सा*4:12 परखना नोको करजो।"

13 असो परिक्सा लेवन को बाद, बालजबूल सैतान वोको जवर लक, पराय गयो।

यीसु को सेवा काम को सुरुवात

14 यीसु आतमा को ताकत लक भरके, गलील छेतर मा हिट आयो। वोको चरचा, आखा-पाखा को सबा जघा मा फैल गयो। 15 उ सभाघर मा जायके ना, सिक्सा देवन लग्यो। अखीन लोकगीन वोको बड़ाई करन लगीन।

नासरत नगर मा यीसु को बेइज्जती

16 जबा यीसु आपरो नगर नासरत मा आयो। जहाँ उ पालो गयो होतो। तबा उ आपरो आदत को लक पवीतर दिवस*4:16 सब्त को दिवस सभाघर मा गयो। उ गिरंथ बाचन ला उभो भयो। 17 तबा वोला भविस्यवक्ता यसायाह को किताब दियो गयो, गिरंथ खोलके ना उ जघा हेड़यो, जहा लिखो से।

18 "पिरभू को आतमा मोरो वरतासे, काहेका वोना मोला निवाड़ी सेस,

का मी गरीब-गोर ला साजरो बारता आयकावाहु,

वोना मोला धाड़ीसेस। जोको लाया मी बन्दी लोकगीन को सूटकारा,

अखीन अँधरा गीन ला डोरा चोवन को,

खबर सुनाऊ। मी दलीत लोकगीन ला, सोड़ाऊ।

19 अखिन पिरभू को किरपा को साल, *4:19परमेस्वर को खुसी होवन को साल

ला सबला साजरा बारता आयकावसू।"

20 यीसु ना किताब ला बंद कर दियो, अखीन दास को हात मा धरा दियो, अखीन सबा बस गईन। सभाघर मा, सबकी नजर यीसु पर होतो। 21 तबा यीसु ना कव्हयो, "यो गोस्टी आज पवितर गीरंथ मा पूरो भई।"

22 सब लोग गीन वोकी किरपा को बात आयक के चकीत भई गईन। अखीन आपस मा कव्हन लगीन। "का यो सचमा यूसुफ को टूरा नहाय?"

23 वोना उन लक कहीस," तुम्ही मोरो पर यो हाना जरुर कहजोस, हे बईद, अपरो आप ला साजरो कर, जो काही हमि न आयकी सेजन। जोन काम कफरनहुम नगर मा किरीसेस, ओला अपरो देस मा कर।" 24 अना वोना कहीस "मि तुमी लक खरो कव्हसू, कोनी खरो भविस्यवक्ता अपरो देस मा मान-सम्मान नही पावासे"।✝4:24 योहन 4:44 25 अना मी तुमी ला खरो कव्हसू, "की एलिय्याह को दिवस मा जबा साढ़े तीन साल तकन बादल बंद रहीसेस, यहान तकन क सारो देस मा मोठयो गिरहानी पडयो, त इसरायल मा लगत बेवा होतिन। 26 पर एलिय्याह उनमा लक कोनी को जवर नही धाड़यो गयो होतो। उ एकच सैदा को सारपत को एक बेवा को जवर धाड़ो गयो होतो।" 27 अखीन "एलिसा भविस्यवक्ता को बेरा इसरायल म गजब सो कोढी होतिन, पर नामान सिरयानी ला छोड़ उनमा लक, कोनी ला साजरो नही करीस।"

28 यो गोस्टी ला आयक के, जेतरा लोग गीन सभाघर मा होतिन, सबच "लाल-पिवरो" भयी गईन। 29 अना उठके ओला नगर लक बाहेर हेड़ीन, अना जोन पहाड मा उन को नगर बसो से, ओको वरता मा ले चलिन, की ओला वहान लक खाल्या ढकल दे। 30 पर उ उनको बिचमा लक, हिटके चली गयो।

भूत लग्यो मानूस ला साजरो करनो

31 मग उ गलील छेतर को, कफरनहुम नगर मा गयो, अना पवीतर दिवस*4:31 मोसे के नियम लक सब्त का दिवस यहुदियो का सप्ताह का पहेला एक खास दिवस जोनमा वय सिरप अराधना करत होतिन अना कोनी भी काम करन को मनाही होतो। मा लोग गीन ला, सिक्सा देवन लग्यो। 32 उनना वोको सिक्सा ले चकित भई गईन।✝4:32मत्ती 7:28-29 काहेका उ गोस्टी अधिकार सकट होत्यो। 33 सभाघर मा, एक मानूस होतो, जोन एक असुध्द भुत-पलित झोमो होतो। ओना चिल्लायके कव्हयो। 34 "ओ यीसु, नासरी, हमरो लक तोरो काजक काम से? का तु आमीला नास करन ला आईसेस? मी तोला जानासू, तू कोन आस? तु परमेस्वर को पवीतर मानूस आस।"

35 यीसु न वोला डटकार के हुकूम देइस, "उघा-मूघा रव्ह अना वोको लक हीट जाय", तब भूत वोला बीच मा पटककर बिना हानि पहुचाए, हीट गयो।

36 योच लाइ सबा ला, अचंभा भयो, अना वय आपस मा बोलन लगीन।" ये कसो ताकत अना हक से, यो भूत ला हुकूम देवासे, अना वा हिट जासे।" 37 तबा यीसु की यो गोस्टी अगल-बगल जघा मा होवन लगी।

यीसु ना गजब लोकगीन ला, साजरो करीस

38 उ सभाघर लक उभो होयके, समौन के घर मा गईस। अखीन समौन की सास ला गजब बुखार होतो। अना उनना वोको लाय वोको लक बिनती करीन। 39 तबा यीसु ना ओको जवर उभो, होयके, बुखार ला हुकूम देयके डाटीस, अना बुखार उतर गयो। अना उ एकदम उठके उनको सेवा करन लग्यो।

40 दिवस बुड़तो बेरा मा, जोन-जोन को घर मा बिमार होतिन उनना वोको जवर आनीन, अना उन सबपर हात ठेवके सबला साजरो करीस। 41 भूत बेमियात-बेमियात कव्हन लगीन, "तु परमेस्वर को टूरा आस," अना हीट गइन, पर यीसु उनला डाटके नही बोलन को हुकूम देइस।

काहेका भूत जानत होतिन का यो मसीह सूटकारा देवनवारा सेत।

सभाघर मा सिक्सा देवनो

42 यीसु पहट को बेरा घर लक हिटके, अना एकांत जघा मा गयो। लोग वोला ढुढ़त-ढाढ़त ओको जवर आइन। अखीन बिनती करके कव्हन लगीन, "तु हमि ला सोड़के नोको जास।" 43 पर वोना उनलक कव्हयो, "मोला अखीन देस मा जावनो से, अना परमेस्वर को साजरो बारता, आयकानो जरुरी से, काहेका मोला योच काजी धाड़ो गयो से।"

44 अना उ गलील छेतर यहुदिया *4:44यहुदिया परदेस को सब, सभाघर मा, साजरा बारता सांगन लगयो।