Marcos 4

यीसु ना आँधी ला साँत कियो

35 ओनो दिवस जबा दिवस बुड़ गयो ता ओना उन लक कहीस "आव हमी झील को ओनागन चलबिन।" 36 अना उ भीड़ ला छोडके आपरो संगीगिन को सँग नाव पर चघके चली गयो अना ओको सँग अखीन नाव होतीन। 37 तबा मोठी आँधड़ आयी अना पहला चलन लक नाव मा पानी भरन लगयो। 38 अना यीसु जहाज को मंघा गद्दी मा झोप रहयो होत्यो, तबा चेलागीन ना जगाय के कहिन "हे गुरुजी हमि नास होय रही सेजन, का तोला हमारो चिंता नाहत?"

39 तबा ओना जाग के आँधी अना पानी ला हुकूम देइस। "सानत हो अना थमजा" अना आँधी वोतरो बेरा मा थम गई। अखीन मौसम सानत भय गयो। 40 ओना उन लक कहीस; "कायलाई डरासो? का तुमला अबा तकन भरोसा नहाय?"

41 अखीन वय गजब डराय गईन होतीन, अना आपसी मा कव्हन लगीन की "यो कसो मानूस से की जेकी हुकूम ला वारा अना पानी को लहर भी मानासेती?"