Жохан 15

Жүзім бұтасы мен сабақтары туралы астарлы әңгіме

1 — Мен «шынайы жүзім бұтасымын», ал көктегі Әкем*15:1 Яки: ал Әкем (1:14). «жүзім өсіруші». 2 Маған ілінген, бірақ рухани жеміс бермейтін әр «сабақты»*15:2 Яки: әр «бұтақты». (Бұл жерде жүзім бұтасы, сабағы, жемісі т.с.с. сөздер ауыспалы мағынада қолданылады: Иш 5:1-7.) Әкем кесіп тастайды, ал өнім беретіндерін молырақ берсін деп тазартады. 3 Сол сияқты сендер де Менің өздеріңе айтқан сөздеріме сеніп, рухани таза болдыңдар. 4 Менімен тығыз байланыста тұрыңдар, сонда Мен өздеріңмен тығыз байланыста тұрамын.*15:4 Яки: Менде бола беріңдер, Мен де өздеріңде бола беремін (6:56; 14:20; 15:5-7; Жох1 2:24; 3:24; 4:15). Сабақ өздігінен емес, тек бұтасымен байланыста тұрса ғана жеміс бере алады. Сол секілді сендер де Менімен тығыз байланыста тұрмасаңдар, рухани өнім бере алмайсыңдар.

5 Мен «бұтамын», ал сендер «сабақтарымсыңдар». Менімен тығыз байланыстағылармен Өзім де тығыз байланыста тұрамын, сонда олар мол өнім бермек. Ал Менен бөлініп сендер ешбір игілік істей алмайсыңдар. 6 Кім Менімен байланыста тұрмаса, сол кесіліп тасталған сабақтар іспетті «сыртқа лақтырылып, кеуіп қалады». Кепкен сабақтар кейін жиналып, отқа жағылып, жанып кетеді.*15:6 15:2; Лұқ 3:9; 13:6-9.7 Ал егер сендер Менімен тығыз байланыста тұрсаңдар, әрі Менің сөздерім өздеріңмен бірге болса, қалағандарыңның бәрін көктегі Әкемнен сұраңдар, сонда аласыңдар.*15:7 14:13-14; 15:16; 16:23-24; Мат 7:7-8,11.8 Егер мол жеміс берсеңдер, Менің шәкірттерім боласыңдар. Сол арқылы Әкемнің ұлылығы анық көрінеді.

9 Әкем Мені қалай сүйсе, Мен де сендерді солай сүйемін. Сүйіспеншілігімді қабылдай беріңдер! 10 Менің Әкемнің өсиеттерін орындап, сүйіспеншілігін қабылдап жүргенімдей, сендер де Менің өсиеттерімді орындасаңдар, сүйіспеншілігімді қабылдап жүресіңдер. 11 Бұларды Менің көретін қуанышым сендердікі де болсын, әрі қуаныштарың мейлінше толық болсын*15:11 3:29; 16:22,24; 17:13; Флп 4:4. деп өздеріңе айттым.

12 Сендерге айтатын өсиетім мынау: бір-біріңді Менің өздеріңді сүйгенімдей сүйіңдер! 13 Адамның достарына көрсететін ең зор сүйіспеншілігі — олар үшін өмірін құрбан етуі.*15:13 10:11,17-18; Жох1 3:16.14 Егер Менің тапсырғандарымды орындасаңдар, Маған доссыңдар. 15 Сендерді бұдан былай құл демеймін, құл иесінің не істеп жүргенін білмейді. Қайта, сендерді достарым деп атадым, өйткені Әкемнен естігендерімнің бәрін сендерге білдірдім. 16 Сендер Мені таңдап алған жоқсыңдар, қайта, Мен сендерді таңдап алдым: өздерің барып, рухани жеміс берсін, сол жемістерің тұрақты болсын деп тағайындадым. Сонда Менің атымнан*15:16 Яки: Менің еркіме бағынып (15:6; 14:13-14). не сұрасаңдар, Әкем соның бәрін де береді. 17 Сендерге айтатын өсиетім мынау: бір-біріңді сүйіңдер!

Күнәкар дүниенің өшпенділігі

18 Күнәкар дүние*15:18 Яки: Құдайға мойынсұнбаған адамдар (14:17,19). сендерді жек көрсе, оның сендерден бұрын Мені жек көргенін біліңдер. 19 Егер де осы дүниелік болсаңдар, ол сендерді өз адамдары ретінде жақсы көрер еді. Бірақ осы дүниелік емессіңдер, керісінше, Мен сендерді күнәкар дүниенің ішінен таңдап, айырып алдым. Сондықтан да ол сендерді жек көреді. 20 Мына айтқан сөзім естеріңде болсын: «қызметшінің жолы қожайынынан үлкен емес».*15:20 13:15-16; Мат 10:24. Күнәкарлар Мені қудаласа, сендерді де қудалайды. Олар Менің сөзімді ұстанды ма, жоқ, ендеше сендердің сөздеріңді де ұстанбайтын болады. 21 Осының бәрін Менің атымды мойындағандарың үшін сендерге істейді. Себебі олар Мені Жібергенді*15:21 Яки: Мені жіберген көктегі Әкемді (1:14; 5:36-37). танымайды.

22 Мен дүниеге келіп, оларға сөйлемесем, онда олар айыпты болмас еді. Ал енді кінәларына еш сылтау жоқ. 23 Мені жек көргендер сол арқылы Әкемді де жек көреді. 24 Егер Мен басқа ешкім жасамаған кереметтерімді араларында жасамаған болсам, олар айыпты болмас еді. Бірақ олар кереметтерімді көргенмен, Өзімді де, Әкемді де жек көреді. 25 Алайда солар қадірлейміз дейтін Киелі жазбаларда мынадай сөздер жазылған: Олар Мені себепсіз жек көреді.*15:25 Жыр 68:5. Бұл сөз осылайша іске асады.

26 Мен сендерге Әкемнен бір Қамқоршыны жіберемін: сендерге шындықты білдіретін сол Киелі Рух Әкемнен келіп, Мен туралы куәлік береді.*15:26 14:17; 16:7; Жох1 5:6-7.27 Сендер де куәлік бересіңдер, себебі қызметімнің басынан бастап қасымда болып келесіңдер.