Жохан 19

23 Жасақшылар Исаны айқышқа шегелеп, көтергеннен кейін Оның сырт киімдерін төртеуі тең бөлісіп, көйлегін де алды. Көйлегі басынан аяғына дейін тігіссіз тұтас тоқылған еді. 24 Сол себепті олар бір-біріне: «Бұны жыртпайық, жеребе салып, кімге түсетінін шешейік», — деді. «Жау жамылғымды бөлісіп алады, киімім үшін жеребе салады» деп Забурда жазылған сөздер*19:24 Жыр 21:19. осылай орындалды. Мұны жасақшылар жүзеге асырды.

25 Иса шегеленген айқыштың қасында Оның шешесі, нағашы әпкесі, Клеопаның әйелі*19:25 Лұқ 24:18. Мәриям және мағдалалық Мәриям тұр еді. 26 Иса шешесін және оның қасында тұрған, Өзі жақсы көретін шәкіртін*19:26 Жохан елшіні (13:23; 18:15; 20:5). көргенде, шешесіне: «Апа, енді мынау — сіздің ұлыңыз!» — деді. 27 Содан кейін шәкіртіне: «Енді осы кісі — сенің анаң!» — деді. Сол сәттен бастап шәкірті Исаның шешесін қамқорлығына алды.