Жохан 19

28 Тиісті нәрселердің бәрінің түгел орындалғанын білген Иса бұдан кейін: «Мен шөлдеп тұрмын», — деді. Забурда алдын ала жазып қалдырылған бұл тәрізді сөз*19:28 Жыр 68:22. де осылай іске асты. 29 Сол жерде сірке суына толы құмыра тұрған еді. Жасақшылар бір сорғышты сірке суына батырып алып, сайсағыз*19:29 Яки: үсоп не иссоп (Мыс 12:22). бұтасының сабағына бекітіп, Исаның аузына тосты. 30 Иса сірке суын сорғаннан кейін: «Енді түгел орындалды!» — деді де, басын иіп, жан тапсырды.