Manušnji savi bešel pe Zver
1 Askal avilo jek katar e efta anđelurja saven sas efta čare, thaj phendas manđe: "Av te sikavav tuće sar avela kaznime e Bari bludnica, savi bešel pe but paja. 2 Lasa e phuvjaće carurja denas pe ando bludo, a e manuša kaj trajin pe phuv matonas katar e mol laće bludostar."
3 Askal o anđelo ando Duho inđarda man ande pustinja, kaj dikhlem jećhe manušnja sar bešel pe loli Zver. E Zver sas pherdi bogohulne titule. Sas lat efta šore thaj deš šnga. 4 E manušnji sas lačhardi ande grimizne thaj lole drze thaj sas okitime e sunakajesa, e drage barenca thaj e biserenca. Ando vas sas lat sunakuno tahtaj pherdo odvratno bilačhipe thaj melalipe pire bludosko,