Gênesis 8

6 చారదొస్ట దినొనె యీల తరువాత నోవహు సే కొర్లా పడవ కిటికీ కడికిరి, 7 గుటె కౌకు పొదురుకు పొడిదీసి. సడ పొదురుకు జేకిరి బీ ఉంపరె దీకిరి పని ఇంకిజెల్ల జాంక యేపక్క సేపక్క బుల్లిసి. 8 ఈనె పని బీ ఉంపరె దీకిరి తగ్గిజెల్లవొ నీవొ దిగితె సే తా పక్కరె తల్ల కలియ పారువ గుటెకు పొదురుకు పొడిదీసి. 9 పని బీ ఉంపరెల్ల తల్లందరె సడ అరిగొడ్డొ నొగితె సడకు స్తలము మిల్లానీ, ఇంక పడవరె తల్ల తా పక్కు బులికిరి అయిసి. సెల్లె సే అత్తొ సాపికిరి దరిగికిరి పడవ బిత్తురుకు కడిగినిసి. 10 సే యింక సత్ర దినొనె తయికిరి యింక సే కలియ పారువకు పడవరె దీకిరి పొదురుకు సడిసి. 11 సొంజిబెల్లె సడ తా పక్కు అయిలబెల్లె సిండిల ఓలివ గొచ్చొ పత్రొ సడ తుండరె అచ్చి, గనక పని బీ ఉంపరె దీకిరి తగ్గిజేసి బులి నోవహుకు అరకీసి. 12 సే యింక సత్ర దినొనె తైయికిరి సే పారువకు పొదురుకు పొడిదీసి. సే తరువాత సడ తాపక్కు బులికి అయిలాని.