1 ఈనె పురువు నోవహుకు తా పోనెకు ఆసీర్వదించికిరి తొమె పలించికిరి అబివ్రుద్ది యీకిరి బీకి పూరదేండి. 2 తొముకు బొనొ జంతువునెల్ల, ఆకాసొ చొడినెల్ల, బి ఉంపరె పాకిల సొబ్బి పొక్కొనె, సొంద్రొ మచ్చొనెల్లా డొరుసె; సడ తొం అత్తొకు అప్పగించివురొ యీసి . 3 పొర్నొ తల్ల సొబ్బి జీవినె తొముకు కద్ది వూసి; పచ్చగా తల్ల సగొ మొక్కనెకు దిల్లపనికిరి సడనెకు తొముకు దీంచి. 4 ఈనెను మోసొకు తాండ్రొ రొగొతొ సంగరె తొమె కైయినాసి; రొగొతాక తాండ్రొ పొర్నొ. 5 యింక తొముకు పొర్నొయీల తొం రొగొతొ గురించి విచారించుంచి; సడగురించి సొబ్బి జంతువునెకు మనమానెకు విచారన కొరిమి; ప్రతి మనమా పొర్నొ కోసం తా అన్నబైకి విచారన కొరుసి. 6 మనమారొ రొగొతొకు చిందించిల తారొ రొగొతొ మనమ వల్లరాక చిందించి బొడుసి; కిరుకుబుల్నే పురువు తా పనాక మనమకు కొరిసి. 7 తొమె పలించికిరి అబివ్రుద్ది పొందొండి; తొమె బీ ఉంపరె సమ్రుద్దిగా సంతానముకు పైకిరి విస్తరించొండి బులి తంకె సంగరె కొయిసి. 8 ఇంకా పురువు నోవహు, తా పోనె సంగరె, 9 ఇత్తొ మి తొం సంగరె తొం తరువాతరె తొం సంతానము సంగరె తొమె సంగరంకా తల్ల సొబ్బి జీవి సంగరె, 10 ఇంకా చొడీనె కిర పసువునె కిర తొం సంగరె సొబ్బి బీ జంతువూనె కిర పడవరె దీకిరి పొదురుకు అయిల సొబ్బి బీ జంతువూనె సంగరె మో నిబందన స్తిరపరిచిలించి. 11 మి తొం సంగరె మో నిబందన స్తిరపరుచుంచి; సొబ్బి సరీరునె పారిల వరద వలరె నాసనం యీనింతె; బీ కు నాసనము కొరితె యింక పారిల వరద వల్లరె నాసనం యీనిబులి పలికిసి. 12 ఇంకా పురువు మెత్తె తొముకు తొం సంగరంకా తల్ల సొబ్బిజీవినెకు మొజిరె మీ తరొతరొనెకు కొరిల నిబందనకు గురుతు యడాక. 13 మెగొరె మో ఇంద్రదనుసుకు నొగించి; సడ మెత్తె బీ కు మొజిరె నిబందనకు గురుతుగా తాసి. 14 బీ ఉంపరుకు మి మెగొకు దన్నైలబెల్లె సే ఇంద్రదనుసు మెగొరె దీగదూసి. 15 సెల్లె మెత్తె తొముకు సొబ్బి జీవినెకు మొజిరె తల్ల మో నిబందనకు జ్ఞాపకము కొరుగుంచి గనక సొబ్బి సరీరునెకు నాసనం కొరితె సాకిరి వరద పనికిరి పని అయిని. 16 సే దనుసు మెగొరె తాసి. మి సడుకు దిక్కిరి పురువుకు బీ మొజిరె తల్ల సొబ్బి సరీరునెకు పొర్నొగల సొబ్బీటకు మొజిరె కెబ్బుకు తల్ల నిబందనకు జ్ఞాపకము కొరుగుంచి. 17 ఈనె పురువు మెత్తె బీ ఉంపరె తల్ల సొబ్బి సరీరునెకు మొజిరె మి స్తిరపర్చిల నిబందనకు గురుతు యడాక బులి నోవహు సంగరె కొయిసి.

18 పడవ దీకిరి అయిల నోవహు పోనె సేము, హాము, యాపెతు బుల్లలింకె; హాము కనానుకు బో. 19 యే తిల్లింకె నోవహు పోనె; అంక సంతానము బీయల్ల యాపించిసి. 20 నోవహు బిల్లొ కొరువురొ మొదలుకొరిసి, ద్రాక్సతొట్ట పొగిసి. 21 తరువాత ద్రాక్సరసము పీకిరి మత్తుయీకిరి గొరొబిత్తరె సుచ్చదేరె అచ్చి. 22 సెల్లె కనానుకు బోయీల హాము తా బో సుచ్చదేరె తవ్వురొ దిక్కిరి పొదెరె తల్ల తా దీలింకె అన్నబైనెకు సే సంగతి కొయిసి. 23 సెల్లె సేము యాపెతు కొన్న గుటె కడిగినికిరి తంక దీలింకె కందొనెంపరె పొగ్గినికిరి పొచ్చుకు చలికిరి జేకిరి తంక బోరొ సుచ్చదే బుజ్జిసె; తంక మూనె పొచ్చుకు తవ్వురొ, 24 సెల్లె నోవహు మత్తు దీకిరి మేలిగినికిరి తా సన్నిపో కొరిలాట తెలిసిగినికిరి, 25 కనాను సపించిబొడిలాట యీకిరి తా అన్నబయినెకల్లా దాసుడు వూసి బులి కొయిసి. 26 ఈనె సే సేమురొ పురువు యీల యెహోవా స్తుతింపబొడివొ వై కనాను తాకు దాసుడు వూసి. 27 పురువు యాపెతుకు బడేట కొరుసి, సే సేము గొర్రె జూసి, తాకు కనాను దాసుడు వూసి బులిసి. 28 సే పారిల వరద గతించిల తరువాత నోవహు తింటసొయి పాంట దొస్ట బొచ్చొరోనె జీసి. 29 నోవహు జీల దినొనెల్ల నోట సొయి పాంటదొస్ట బొచ్చొరోనె; సెల్లె సే మొరిజేసి.