కూసు వంసొనెలింకు పురువురొ ప్రవచనం
(జెపన్యా 2:12)
1 అయ్యో! 18:1 కూసుబుల్నే ఇతియోపియదెసొ18:1 ఇతియోపియా నదియానె తెనీపొక టపటపా మరిగిల్లా రెక్కానె తల్ల దెసొకు దుక్కొ! 2 సడ సోంద్రొ ఉంపరె పనీనె ఉంపరె జమ్ము పడవాన్రె రాయబారీనెకు పొడిదీకుంటా అచ్చి. తొందర పొడ్లా సలాదీనే! జాండి. నున్నగా చొమ్మొ కలిక్కిరి వొంచుగా తల్ల ప్రజానె పక్కు జాండి! చుట్టూ తల్ల లింకు, దూరుగా తల్ల లింకు డొరిపించికిరి, అనిసిపేలా సే బలమైలా మనమానె పక్కు, నదియానె యిడకడిలా లింకరొ దెసొకు జాండి! 3 లొకొరె జీవించిలా తొమ్మె, బూమంపరె జీవించిలా తొమ్మె పొరొతొనె ఉంపరె గుర్తుగా జెండా టెక్కిలా బెల్లె దిగోండి! తూత్రు పుంకిలా బెల్లె సునోండి! 4 యెహోవా మెత్తె కొయిలా కొతా ఎడాక. కొరాన్రె సిజ్జిజెల్లా తత్తిలాట పని, కట్టానె కల్రె ఐలా పుగమంచు మబ్బుపనికిరి మియ్యి నిసబ్దంగా మో బొస తీకిరి గమనించిలించి. 5 కట్టానె కలొ నాఅయిలా అగరె పుల్లొ వికసించిలా దస యీజెల్లా పొచ్చాడరె, పుల్లొ ద్రాక్సపనికిరి మారితల్లా దసరె సెయ్యె పోటకత్తీనె సంగరె ద్రాక్స కాయానెకు కత్తిరించుసి. పాకిరితల్ల ద్రాక్సతీగానెకు అనిపేకిరి తెనాడె పొక్కదూసి. 6 సడానెకు పొరొతోన్రె చొడీనెకు, బూమంపరె తల్ల మృగానెకూ సడదిపూసి. కొరాకల్రె చొడీనె, చిత్తొకల్రె బూమంపరె తల్ల మృగానె సడానెకు కైపూసె. 7 సే దినోన్రె నున్నగా చొమ్మొ కలిగికిరి వొంచుగా తల్ల మనమానె చుట్టూ తల్ల లింకూ, దూరుగా తల్ల లింకు డొరొబీతుకు కొరికుంటా, అనిసిపేకిరి సే బలమైలా మనమానె, నదియానె దీకిరి పూరికిరి తల్ల తంక దెసొ తీకిరి సేనానెరొ పురువైలా యెహోవాకు కానుకానె దరిగీకిరి ఆసె. సేనాన్రొ ప్రబువైలా యెహోవా నామముకు దరించిలా సీయోను పొరొతొకు కొడిగీకిరి ఆసె.