Saame 78

1 Fakafanongo ʻa hoku kakai ki heʻeku akonaki:

fakatokangaʻi homou telinga ki he ngaahi lea ʻa hoku ngutu.

2 Te u mafaʻa hoku ngutu ʻi he fakatātā:

te u fakahā ʻae ngaahi lea fufū mei muʻa:

3 ‌ʻAia kuo tau fanongo ki ai pea ʻiloʻi,

pea naʻe tala ia kiate kitautolu ʻe heʻetau ngaahi tamai.

4 ‌ʻE ʻikai te tau fufū ia mei heʻenau fānau,

ka ʻe fakahā ki he toʻutangata ʻe hoko ʻae ongoongolelei ʻo Sihova,

mo hono mālohi, mo e ngaahi ngāue mana naʻa ne fai.