Atos 7

51 Ioronongoḏu ngowa’a Yahudi, ngini ninga sae’e lai te’e madutu re kangela masala ni mete’e Ma Jou’ongu Madutu, ngini reninga ngau’u mada’a ni 'isene Ma Jou’ongu Madutu 'ai demo ua. Ngini mo-moini ma tero sa’olo ninga ete re dotumu: Ngini ni lawana Ma Ngagara 'Ofi-'Ofi tau-taunu!✝7:51 Yes. 63:10 52 Nabi matengo i’a mai ua, ninga ete re dotumu 'aḏi sikisa ua! 'Ua re 'au wali, ananga 'aḏi sisengene Ma Jou’ongu Madutu 'ai nabi-nabi ga’a 'aḏi siajele mangale Yesus 'ai ta-sapolo, Unanga gena-ge Ngowa’a Loasa re Banari. Nange-ne ngini ni sipula’a Unanga gena-ge Tai lawana re ngini nu sisengene Unanga!