5 Aba hafiñerun lílana fulasu luagu Wabungiute, wéinamuhaña ñǘbürigiña, aba hayunarun, aba hadaüragun daüguaü súsutu arufudei hagarigu. 6 Dan lachülürünbei uganu le lumoun lurúeite Níniwe, aba giñe lásaarun luéigiñe lálana larúeihan, aba laragachunu ladaüragun to lánina arúeihani, aba ladaürün daüguaü súsutu, aba lañuurun múarugu. 7 Lárigiñe aba léibaaguagüdüni urúei hama sun lani minisigu ñunsu le lidan sun uburugu: «Ualá ni aban éigiti. Michugualá giñe éigini ni duna houn ibiñanigu. 8 Lubaragiñe lira daügua humá súngubei tau daüguaü súsutu arufudei higarigu, ábame hafurieidun lun Wabungiute lau sun here. Ígiralei kada aban luriban lóuserun luma anarimeni le lídanbei chülǘ lumoun dan le. 9 Ubugua lasansiragun laritagun Wabungiute, ábame lagalumadun ligañi, ábame móunwegun wamá».
10 Aba larihini Wabungiute katei le hadügübei Níniwena, hígiruni luriban hóuserun, aba madügün laali lan abeichúni le yebe uágubei lariñaga houn.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)