Abeichúni, asakürihani luma emenigini
1 Au le sandí naalibei asufuriruni
lábugiñe lagayuahan ligañi Wabureme.
2 Barǘ laadina lidoun burí fulasu búrigati,
éibugagüda láadina lidan üma magemeriti,
3 aban lárigi aban,
sagü murusun oura lagayuahan nuagu.
4 Wéiyagüdala nǘgürügü luma nura,
halagualá nabu.
5 Iñuraguaali aban baríeiru lánina súfuri geyegua nau,
6 aganawagüda láadina lidan lamuñounga
kei ha óunwegubaña lúmagiñe binarü.
7 Da lumutina lidoun aban baríeiru le
siñabei náfuridun lídangiñe,
gürá lumutina lau güringüri hǘrüti;
8 lau sun wáguana amuriaha ídemuei,
meberesegúnti lau nayumuragun;
9 Darú lumuti üma nuéi lau baríeiru,
geyé lumuti némeri!