21 Gama lumoun mabusenruntina nabulieidun aban katei,
lun níchuguni nemenigin luagu.
22 Luagu mébeha lan línsiñehabu Wabureme,
ani malouguadungili lareini.
23 Iseriguati sagü binaafin,
wéiriti ligunfulin!
24 Aba nariñagun nungua:
«Wabureme, ligía sun káteibei nun;
ligía hemenigi nubéi luagu!»
25 Areidati Aburemei houn ha hemenigibaña luagu,
houn sun ha áluahabalin.
26 Buítimati wámanichun agurabaha
líderaguniwa Bungiu.